NOTA DE PRENSA
“O PP ten que explicar aos mariñans que vai facer coa área sanitaria norte”
“Antonio Veiga advirte que non se poden rebaixar as prestacións sanitarias sen dar explicacións aos usuarios”
“o BNG presentou unha PNL no Parlamento solicitando o mantmento da actual área sanitaria”
A Mariña, 16 de setembro de 2009. O Responsábel Comarcal do BNG, Antonio Veiga, reclamou hoxe ao PP explicacións polos recortes nos servizos e nas prestacións sanitarias no Hospital da Costa e reclamou claridade ao PP en relación á anunciada modificación da área sanitaria norte para que os 72.000 usuarios da comarca saiban cales son as intencións da Consellaría de Sanidade. O responsábel nacionalista anunciou a presentación de iniciativas de carácter social e institucional para manter a actual Área Sanitaria da Mariña con todos os servizos que hoxe se prestan.
Os nacionalistas reclaman ao PP explicacións sobre o anuncio de modificación das áreas sanitarias
Antonio Veiga, volveu insistir hoxe en pedir explicacións ao PP sobre cales son as intencións da Consellaría de Sanidade en relación á anunciada remodelación da área norte de saúde que podería levar á súa supresión para depender da xestión hospitalaria de Lugo. Veiga explicou que os potenciais 72.000 usuarios e usuarias adscritos ao Hospital da Costa teñen dereito a coñecer as intencións da Consellaría sobre a creación dunha única área sanitaria en Lugo anunciada pola Conselleira, Pilar Farjas, na súa visita ao Hospital de Burela. O portavoz nacionalista dixo que “os mariñáns non poden permitirse a perda de mais servizos na comarca, nin rebaixas na súa calidade”, aludindo a que a centralización da xestión hospitalaria en Lugo, provocará desprazamentos á capital da provincia para recibir atención en determinadas especialidades e á posta en cuestión de investimentos previstos nos centros de saúde da comarca así como no propio Hospital da Costa.
Batería de iniciativas sociais e institucionais para manter a área sanitaria da costa coas mesmas competencias que ten hoxe.
O portavoz dos nacionalistas mariñáns, anunciou a próxima presentación dunha batería de iniciativas, tanto sociais como institucionais, a fin de esixir o mantemento da actual área sanitaria, “non é de recibo que os representantes do PP na comarca reclamaran contra perda de servizos na comarca ate fai pouco e agora son os primeiros en iniciar o seu desmantelamento, empezando por un servizo esencial como é o sanitario”. Veiga expuxo que a súa formación xa ten presentada unha Proposición non de Lei no Parlamento Galego a fin de que a Consellaría de Sanidade manteña a actual área sanitaria da costa coas mesmas competencias que ten na actualidade, “non pode ser que en nome das políticas neoliberais que practica o PP, se proceda ao desmantelamento de servizos públicos que tanto custou conseguir”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
