NOTA DE PRENSA
Os mileuristas terán que pagar os libros de texto con Feijoo
con Núñez Feijoo
-Unha parella na que cada un gañe 578 euros brutos ó mes e cun fillo, ten que pagar os libros. “Xa non falamos de mileuristas, senón dunha parella na que cada un gaña a metade dun mileurista. Eses son ricos para Núñez Feijoo”, denunciou Gómez Besteiro.
– A Agrupación Local do PSdG-PSOE inicia a campaña informativa “A gratuidade dos libros de texto é un dereito, deféndeo”
O Secretario Xeral da Agrupación Local do PSdG-PSOE, José Ramón Gómez Besteiro, denunciou este luns que “é falso que as familias con rendas baixas percibirán axudas, xa que os mileuristas terán que pagar os libros de texto con Núñez Feijoo”. Para avalar esta afirmación puxo exemplos coa normativa na man: “Unha parella na que cada un gañe 578 euros brutos ó mes e cun fillo, ten que pagar os libros. É dicir xa non falamos de mileuristas, senón dunha parella na que cada un gaña a metade dun mileurista; eses son ricos para Núñez Feijoo e deben pagar os libros dos seus fillos”. No caso dunha parella de traballadores cun salario de 771 euros brutos ó mes cada un e con 2 fillos tampouco ten dereito á axuda dos 180 euros. “Polo tanto, para o PP o 70% dos galegos e dos lucenses son ricos, son netos de Manuel Jove”, afirmou.
Esta situación de recortes sociais aínda é máis denunciable se temos en conta que, segundo o Ministerio de Facenda, o 70% dos galegos cobra menos de 1.100 euros brutos ó mes, converténdonos na 3ª comunidade con máis mileuristas.
Este curso “pasamos da volta ó cole máis barata á volta ó cole máis cara”, xa que tres cuartas partes dos escolares galegos xa perderon os libros gratuítos. Besteiro ofreceu estes datos nunha rolda de prensa sobre o actual curso escolar que ofreceu este luns xunto co responsable de educación da Executiva da Agrupación Local, Carlos Ferreiro. José Ramón Gómez Besteiro lembrou que “co anterior goberno autonómico o 100% dos escolares tiña este dereito, avalado tamén pola maioría das Comunidades Autónomas de España. Co modelo do PP o 78% dos escolares galegos perdérono. Estamos diante dunha subida de impostos en toda regra. É o peor goberno da democracia no arranque do curso escolar”, dixo.
“O Partido Popular, con Núñez Feijóo á cabeza, presume de que recorta os luxos. Poden estar ben orgullosos, converteron o libro de texto e a educación nun luxo”. A Agrupación Local denunciou que a actual Xunta si ten cartos para a campaña de publicidade que correron a facer para tratar de frear as revoltas nas aulas”.
Para Gómez Besteiro “un bo xestor ten que saber priorizar. A suposta austeridade da que tanto presume Núñez Feijóo non pode ser igual a pasarlle a factura ós veciños”.
Campaña informativa
Gómez Besteiro e Ferreiro anunciaron que a agrupación local do PsdG-PSOE inicia unha campaña informativa baixo o título: “A gratuidade dos libros de texto é un dereito, deféndeo” para denunciar o desmantelamento dos servizos públicos, neste caso da ensinanza, por parte de Núñez-Feijóo e reivindicar que se manteña a gratuidade total dos libros de texto que puxo en marcha o goberno autonómico anterior.
As actividades previstas inclúen unha cascada de reunións destinadas ós militantes e cargos relacionados co mundo educativo, que tamén se convocarán en 31 agrupacións comarcais de Galicia. A campaña continuará nas vindeiras semanas coa convocatoria de charlas informativas dirixidas ós representantes das Asociacións de nais e pais (Anpas), colectivos sociais, corpos docentes, tecido asociativo, etc.
Para Gómez Besteiro queda claro que “o Presidente da Xunta converteu a educación en “mala” educación, e que nin el nin o Conselleiro de Educación teñen fillos”.
Situación en Lugo
Pola súa banda, Carlos Ferreiro lembrou que “os libros eran gratuítos para os centros, non para as familias, como o son as sillas ou as mesas dun colexio; é igual que non se lles cobra os pequenos polo aluguer de mobiliario”. Puxo como exemplo Finandia, tantas veces louvado polo Partido Popular, xa que “neste país nórdico non só son de balde os libros de texto, senón todo o material escolar”. Ademais, subliñou que “o umbral establecido para ter dereito ós libros gratuítos é máis alto en Galicia que na comunidade de Madrid con Esperanza Aguirre”.
O responsable de educación da executiva da Agrupación Local do PSdG criticou a política lingüística da actual Xunta de Galicia, a reducción de profesorado para nenos de educación especial ou nas Escolas de Idiomas. “Hoxe as coidadoras do centros educativos da provincia de Lugo non teñen dereito a comer nos comedores mentres coidan ós pequenos. Que ninguén pense que estas ordes son os últimos recurtes do Partido Popular”, apuntou.
Por últmo, dixo que “en Lugo os libreiros non están contentos porque as grandes áreas comerciais xa ofrecían hai meses descontos nos libros porque estaban extrañamente informadas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
