LOURENZÁ .- A Casa da Cultura do Concello de Lourenzá acolle a exposición “Galicia, biodiversidade” ata o martes, día 22, en horario de 12 a 14 e 17 a 29. O martes un educador ambiental encargarase de guiar a visita de tres grupos de alumnos do CEIP Juan Rey de Lourenzá
Nota de Prensa
Dende o día de hoxe e ata o vindeiro martes, en horario de 12 a 14 e 17 a 29, na Casa da Cultura do Concello de Lourenzá poderase visitar a Exposición didáctica itinerate “Galicia, biodiversidade”.
En 50 metros cuadrados podemos encontrar rías, bosques, montañas, ríos, canóns, lagoas, illas, praias, dunas, matogueiras, esteiros…unha gran diversidade de ambientes que debuxan unha paisaxe única que non se pode comprender sen a presenza humana desde hai milleiros de anos.
Con esta exposición didáctica, pretendemos que se coñeza a diversidade de ecosistemas, de especies e de variedades xenéticas que se conservan en Galicia. Que se estimule a toma de conciencia sobre a importancia da conservación da biodiversidade máis próxima que atesouramos en Galicia e, ao mesmo tempo, a mundial.
O vindeiro martes día 22, un educador ambiental encargarase de guiar a visita de tres grupos de alumnos do CEIP Juan Rey de Lourenzá, esta actividade promovida dende a concexalía de medio ambiente do Concello trata de desenvolver comportamentos positivos cara á conservación das especies e dos seus hábitats e fomentar, nos máis cativos, actitudes responsables que favorezan a conservación da natureza.
Relación de paneis
Panel 1: Portada – Galicia, biodiversidade
Panel 2: Biodiversidade – Un quebracabezas de millóns de anos en continuo cambio.
Panel 3: A arca da vida – Diversidade de especies en Galicia
Panel 4: Biodiversidade en Galicia – Os ingredientes desta receita
Panel 5 (dobre): Ecosistemas – Unha viaxe pola diversidade
Panel 6: As ameazas – A nosa biodiversidade en perigo.
Panel 7: Ferramentas – Protexer as especies e os espazos
Panel 8: Paisaxe e formas – Marabillas para a vista, marabillas por natureza.
Panel 9: Flora – Algunhas plantas baixo ameaza
Panel 10: Invertebrados – Os pequenos, grandes descoñecidos
Panel 11: Peixes – ¿Ficarán o mar e os ríos sen peixes?
Panel 12: Anfibios e réptiles – Sempre perseguidos, máis ameazados ca nunca
Panel 13: Aves – Galicia, un gran observatorio de aves
Panel 14: Mamíferos – Os máis grandes ameazados
Panel 15: Mamíferos mariños – Eses grandes descoñecidos tan achegados a nós.
Panel 16: Razas e variedades – Menos cantidade pero máis calidade
Esta exposición é promovida pola Xunta de Galicia e pola obra social “La Caixa”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
