A asociación de veciños de Santiago de Fazouro rexeita a creación dunha area sanitaria única

FOZ .-  A asociación de veciños de Santiago de Fazouro fixo público “o seu total rechazo” a creación dunha area sanitaria única na provincia de Lugo e a calquera iniciativa que “poda mermar servizos no Hospital da Costa”.  A asociación veciñal afirma que “non queremos volver ó pasado” e manifesta solidariedade  con propostas para “garantir e manter os recursos en todos os ámbitos do noso hospital”.

Nota de Prensa

Con motivo da información de que a Consellería de Sanidade pretende crear unha AREA SANITARIA ÚNICA na provincia de Lugo, a Asociación de Veciños de Fazouro quere manifestar o seu total rechazo a esta pretensión, ou calquera outra que supoña un cambio organizativo, administrativo ou funcional que poida mermar as prestacións ou servizos con que hoxe conta o HOSPITAL DA COSTA.

Esta asociación veciñal tamén se suma e solidariza coas manifestacións e reivindicacións que calquera entidade ou colectivo da comarca propoña para garantir e manter os recursos en todos os ámbitos do noso hospital.
NON QUEREMOS VOLVER O O PASADO