NOTA DE PRENSA
O BNG DEMÁNDALLE Á XUNTA QUE SE OPOÑA A NOVOS RECORTES DE CAPTURAS PARA A FROTA PESQUEIRA GALEGA DE ARRASTRE LITORAL
Bieito Lobeira tamén lle demanda á Consellaría de Pesca que defenda a modificación do Convenio de Pesca Hispano-Portugués para que as dúas frotas cumpran as mesmas regras sobre descanso semanal
Santiago de Compostela, 7 setembro 09.- O portavoz do BNG na Comisión de Pesca do Parlamento Galego, Bieito Lobeira, ven de presentar unha serie de iniciativas nas que lle demanda á Xunta de Galiza que interveña ante o Estado Español e a Unión Europea para que a frota galega de arrastre litoral non sufra novos recortes na súa actividade produtiva.
Bieito Lobeira denuncia que esta frota, que agrupa a uns 100 buques galegos e que xera uns 1.000 empregos directos e 7.000 indirectos, “sofreu nos últimos tres anos unha redución do 10% no número de buques ao estar afectada polo denominado Plano de Recuperación da Pescada e da Cigala, imposto desde o ano 2005 pola Comisión Europea, que implica unha redución progresiva do 10% anual da actividade desta frota, expresada en números de días de traballo por ano”·
Así, lembra que desde os 264 días e traballo iniciais “pasouse durante o presente 2009 a 175 días permitidos, coa previsión de que no próximo ano 2010 se reduzan novamente outro 10%”.
Os recortes que defende a UE non teñen relación co estado dos recursos
O deputado do BNG advirte de que “o recorte na actividade produtiva desta frota non ten relación co estado dos recursos”. En concreto, salienta que “é unha evidencia a clara recuperación biolóxica da pescada no litoral galego”.
Ademais, denuncia que o sistema imposto pola Unión Europa no litoral galego “non é acaído á nosa realidade e ás necesidades do noso sector pesqueiro xa que conduce á inactividade durante a maior parte do ano a unha frota que, ademais de pescada, captura tamén outras especies, como xurelo, bacalauciño ou xarda, que non están incluídas no referido plano de recuperación”.
“É necesario un papel máis activo da Xunta ante a previsión de novos recortes”
A este respeito, o parlamentario nacionalista advirte sobre “a previsión de que o Consello de Ministros de Pesca da UE fixe na súa reunión do mes de decembro condicións aínda máis restritivas para a frota galega de arrastre litoral”.
Ante esta situación, o deputado do BNG demándalle á Consellaría de Pesca que “adopte un papel activo en defensa do sector” para impedir novos recortes. En concreto, pregúntalle á Xunta se vai elaborar algún informe científico sobre a situación biolóxica da pescada en augas galegas, para a súa presentación diante do Goberno español e da Unión Europea”.
Ademais, pregúntalle á Consellaría de Pesca se se vai dotar dalgunha estratexia para facerlle fronte ao Consello de Ministros de Pesca do Mes de decembro e se Galiza vai ter presenza directa nesa reunión.
“Hai que establecer idénticas condicións para as frotas galega e portuguesa”
Por outra parte, o deputado do BNG tamén traslada ao Parlamento Galego a necesidade de modificar o Convenio de Pesca Hispano-Portugués.
En concreto, Bieito Lobeira considera necesario que se fixen idénticas condicións para as dúas frotas, en especial sobre as xornadas de descanso, unha situación que fai que “ao non estar suxeita a frota portuguesa á normativa do descanso semanal, pode faenar libremente en augas galegas mentres a nosa frota está amarrada, e aproveitar para vender as súas capturas nas nosas lonxas, botando abaixo os prezos das nosas mercadorías”.
Ante este problema, o deputado do BNG insta á Xunta de Galiza a que defenda perante o Estado español a modificación do convenio de Pesca Hispano-Portugués a fin de fixar normas de igualdade recíproca entre as frotas galega e portuguesa”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
