MARIÑA .- Autoridades locais dos concellos de Barreiros, Xove e Cervo despediron onte a nenos saharauis que pasaron unhas semanas en distintos concellos de A Mariña. Os rapaces participaron no programa de acollida organizado pola asociación Solidariedade Galega co Pobo Saharauí e agora regresaran a súa terra.
Referencia do Concello de Barreiros e do Concello de Xove e Nota de Prensa do Concello de Cervo
Referencia do Concello de Barreiros
O alcalde de Barreiros, Alfonso Fuente, ofreceu esta maña unh recepción ós dous nenos saharauis que pasaron o verán no municipio. O rexedor fíxolles entrega de diverso material escolar que levarán para a súa terra cando dentro duns días abandonen Barreiros. O acto celebrouse esta mañá no Concello.
Referencia do Concello de Xove
O alcalde de Xove,Demetrio Salgueiro, e a concelleira de Servizos Sociais, Ana Abad, despediron a dúas nenas saharauis que estiveron en Xove
Nota de Prensa do Concello de Cervo
A administración local destina 650 euros para sufragar os gastos de estadía, transporte e seguros destes rapaces na nosa localidade
CERVO DESPIDE OFICIALMENTE AOS NENOS SAHARAUIS ACOLLIDOS POR FAMILIAS DO NOSO CONCELLO
* O primeiro Tenente de alcalde, Jose Manuel Balseiro, salienta o compromiso do Goberno municipal co programa “Vacacións en paz”e agradece o xesto de compromiso e solidariedade das familias de acollida.
Cervo, 27 de agosto de 2009.- O Tenente de alcalde de Cervo, Jose Manuel Balseiro Orol presidiu na mañá de hoxe a despedida oficial dos catro nenos saharauís que pasaron os meses de verán no noso municipio. Ao acto que tivo lugar nas dependencias do Concello de Cervo asistiron ademais dos nenos agasallados membros das familias de acollida que participan dun xeito desinteresado no programa “Vacacións en paz”.
O Concello de Cervo leva participando desde fai anos neste programa de acollida organizado pola asociación Solidaridade Galega co Pobo Saharaui e no que tamén se conta coa colaboración de diversos concellos de Galicia. Esta iniciativa solidaria busca que os pequenos coñezan outra cultura e outro clima, gozando dunhas comodidades que non teñen onde viven. Neste senso Balseiro lembrou que as altas temperaturas que se rexistran durante os meses de verán nos campamentos saharauís fai que a estadía destes pícaros en climas máis fríos sexa “case imprescindible” para o seu correcto desenvolvemento “xunto cos controis médicos que as familias de acollida lles fan”.
O Concello de Cervo é o municipio mariñán que máis nenos vén acollendo ao abeiro deste programa. Na presente anualidade, destinou 2.600 euros (650 euros por cada neno) que son sufragados con cargo ás partidas orzamentarias da concellaría de Asuntos Sociais. Con esta axuda se estarían a subvencionar os custes dos billetes de avión (ida e volta), póliza de seguro para cada un dos nenos acollidos; e outro tipo de gastos como os dos acompañantes e de xestión.
Agora, estes rapaces terán que volver aos campamentos de Tinduf, situados no Sáhara Occidental en Alxeria, unha zona de contrastes con Galicia. Como consecuencia da diferenza respecto do pais de orixe moitos destes rapaces están a experimentar cun mundo que non imaxinaban e no que todos os días descobren algo novo. Pola súa banda, as familias de acollida din sentirse satisfeitas coa experiencia, e aseguran que a seguirán repetindo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
