BURELA (FNC) .- A próxima semana, martes día 25, comeza en Burela a construción e adecentamento dunha nova área destinada a xogos infantís. Segundo explica o edil de Obras, Pascual Doménech Gruñeiro, “consistirá no levantamento do solo deteriorado no parque Rosalía de Castro na zona máis próxima á pista de baloncesto, así como un cambio de estilo relacionado co que se entende por xogos máis comúns. Nesta zona de 375 m2 porase novo solo protector adaptado á normativa europea de xogos infantís, e seguidamente se levantará un barco pirata escorado, novidade en todos os concellos de A Mariña. Este barco ten unhas dimensións no seu conxunto de 225 m2 e capacidade para vintecinco nenos xogando ao mesmo tempo, e consta de actividades lúdicas como escalada, habilidade manual, tobogáns pechados, etc. Esta embarcación ficticia conta con todos os detalles para que os pequenos estean en condicións parellas ao que sería a navegación polo mar”.
O edil socialista segue a relatar que “paralelamente, os xogos agora mesmo instalados e que estean en condicións de seren recuperados, pasarán a unha nova parte construída contigua á zona adicada a nenos ata 7 anos, dotada tamén de todas as medidas ás que nos obriga a normativa sobre parques infantís”. Pascual Doménech e o alcalde de Burela, Alfredo Llano, consideran que “estas actuacións suporán unha transformación espectacular do parque e as tres zonas de xogo estarán perfectamente delimitadas. Con todo isto, esta Delegación de Obras e Servizos busca promover os parques do noso pobo, e se pretende tamén que sirvan para fomentar o xogo como un factor esencial no desenrolo psicomotor do neno. Indicar tamén a importancia que ten o nó coidado destes espazos e procurar evitar os actos vandálicos que deterioraron antes de tempo elementos de xogo que non teñen outra finalidade que a de axudar ao entretemento”.
O prazo de execución das obras andará entre vinte e vintecinco días e sempre se procurará compatibilizar o traballo de construción co de ocio, aínda que os menos días posibles e para resgardar a seguridade dos nenos, as dúas zonas que se acondicionarán permanecerán pechadas. Esta remodelación lévase adiante grazas a un convenio firmado entre o Inludes e o Concello de Burela, mediante o cal o organismo da Deputación aporta 42.000€.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
