SAN CIBRAO .- “Hoxe é o día cero para a creación deste novo porto en San Ciprián e, desde o próximo luns técnicos da Xunta estudarán a mellor fórmula para poñer en marcha esta instalación no menor tempo posible” asegurou o presidente de Portos de Galicia, Jose Manuel Álvarez-Campagna en relación coa creación dun porto deportivo.
NOTA DE PRENSA
Jose Manuel Álvarez-Campagna confirma na súa visita a esta localidade que o Ente público autonómico Portos de Galicia estudará a mellor situación desta nova infraestrutura para a que se empregarán os mellores modelos construtivos e se garantirá o máximo respecto medioambiental
SAN CIPRIÁN CONTARÁ CUN PORTO PARA EMBARCACIÓNS DEPORTIVAS E RECREATIVAS
* “Hoxe é o día cero para a creación deste novo porto en San Ciprián e, desde o próximo luns técnicos da Xunta estudarán a mellor fórmula para poñer en marcha esta instalación no menor tempo posible” –explicou Campagna.
* O anuncio corrixe a decisión da anterior Xunta bipartita que excluíu a San Ciprián da planificación estratéxica para a creación e instalación de novos portos deportivos en Galicia.
* Jose Manuel Álvarez-Campana visitou as instalacións portuarias actuais en compañía do Alcalde de Cervo e membros do Equipo de Goberno municipal.
Cervo, 21 de agosto de 2009.- O Presidente do Ente Público autonómico Portos de Galicia, Jose Manuel Álvarez-Campagna confirmou no día de hoxe que San Ciprián contará cun porto para embarcacións deportivas e recreativas. Así o explicou na súa visita a esta localidade, na que tivo a oportunidade de supervisar a situación das actuais instalacións portuarias, acompañado do Alcalde de Cervo, Alfonso Villares e do Tenente de Alcalde, Jose Manuel Balseiro Orol, xunto con outros membros do Equipo de Goberno municipal.
Jose Manuel Álvarez-Campagna asegurou que “hoxe é o día cero para a dotación desta nova infraestrutura en San Ciprián, xa que existe vontade máis que suficiente para levala acabo”. De feito explicou que, xa o próximo luns técnicos de Portos de Galicia estudarán a mellor situación desta infraestrutura destinada a albergar embarcacións deportivas e recreativas e que se executará aplicando os máis modernos modelos construtivos e garantindo o máximo respecto ambiental”.
O Presidente deste Ente Público autonómicorememorou tamén a importante historia do porto de San Ciprián cuxos antecedentes escritos deben remontarse ata 1870 data na que aparece xa en varias cartas náuticas como espazo natural de abrigo. Álvarez-Campagna salientou a súa tradición e a importante proxección de futuro das actuais instalacións portuarias que se verán melloradas con esta nova liña de amarre para embarcacións deportivas unha vez se decida a súa mellor situación. Tamén subliñou que o Ente Público que dirixe estuda a reodenación dos fondeos e a humanización da zona portuaria de San Ciprián.
CORRIXE O ESQUECEMENTO DO BIPARTITO
Desde o Goberno municipal amosaron a súa completa satisfacción por este anuncio que vén a corrixir a desafortunada decisión da anterior Xunta bipartita de non incluír a San Ciprián dentro da planificación estratéxica para a creación de novos portos deportivos e puntos de amarre de embarcacións recreativas en Galicia. Os novos responsables do Goberno galego poñen fin ao esquecemento do anterior Executivo bipartito e, deste xeito, confirman que San Ciprián tamén formará parte do futuro mapa de referencia para os navegantes e afeccionados á náutica deportiva.
Coa creación dun novo porto de amarre para embarcacións náutico-deportivas non só disporase dun espazo de grande atractivo turístico, senón que tamén se mellorarán os actuais servizos existentes e promoverá unha actividade relacionada co tempo do lecer o deporte.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
