BARREIROS .- O alcalde de Barreiros, Alfonso Fuente, valora de xeito positivo a intención da Xunta de buscar unha solución á situación urbanística que vive o Concello, tras o encontro que onte mantiveron representantes da Consellería de Medio Ambiente, Infraestructuras e Territorio con responsables de APEC en Santiago de Compostela. O rexedor asegura que “as noticias que teño son as que vexo na prensa, porque ainda non puiden falar nin con Eugenio Corral nin con Agustín Hernández, pero esa é a información que eu xa tiña desde hai tempo. Das conversas que levo tido co conselleiro sei que están buscando unha solución que non é sencilla porque estamos falando de procesos que están nos xulgados e hai que buscar unha saída e unha vía a este tema. E aquí do que se falaba sempre era de prazos, a APEC arrancou un compromiso de prazo do conselleiro cando se fala de finais de setembro ou principios de outubro, si á APEC lle sirve será bó para todos como viñen decindo cando se falou das reunións que viñan mantendo empresarios e sindicatos”.
Fuente Parga entende “a postura duns empresarios que teñen parada a súa actividade por unha decisión do goberno anterior e hai que buscar unha saída non só por estes empresarios senón polo emprego que crean. Era unha cuestión de tempo como viñamos mantendo, pero eu tiña absoluta confianza en que o conselleiro lle ía buscar unha solución a todo esto porque así era desexo do propio presidente da Xunta, Alberto Núñez, de desbloquear a paralización que había en Galicia a nivel urbanístico, e ademáis estaba moi concienciado e moi involucrado co caso de Barreiros porque quizás sexa un dos máis problemáticos ou máis graves porque era un sitio no que se viña desarrollando unha actividade urbanística importante”. O rexedor engade que “a valoración é positiva, pero na liña do que viña sendo antes, porque o único novo que vexo publicado hoxe é un prazo, unha data que si é boa para os empresarios será boa para todos. Será bó que se chegue a unha solución”.
Plan Xeral
Sobre o plan xeral de ordenación municipal, Alfonso Fuente, sinala que “xa se encargou a cartografía e xa está lista e agora en breve sacaremos a concurso a redacción do plan”. O alcalde de Barreiros explica que “este plan non se fixo antes por unha cuestión económica. Hai que pensar que desde o ano 2006 o Concello non pode emitir ningunha licencia que era o medio de ingresos que tiñamos. Temos unha subvención que o anterior goberno decía que cubría o 100% do custe de desarrollo do plan xeral e estamos falando de 121.000 euros que foi o que se nos concedeu para a súa redacción, cando despois de contactar con varias empresas de planeamento soubemos que eses traballos chegarían aos 300.000 euros. Nós nos orzamentos de 2009 non tivemos posibilidade de destinar a este fin máis que 200.000 euros e imos sacalo nese importe. Hai traballos como os da cartografía que xa se fixeron por 45.000 euros e polo tanto imos tentar conseguir que se poida adxudicar nese prezo. É unha cuestión económica, desde hai tempo estamos a traballar na súa elaboración, hai unha serie de traballos feitos para que non se nos demore moito tempo por prazos de cinco ou seis anos que serían moi largos, non”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
