SAN CIBRAO .- O saneamento de San Cibrao inclúe “un tanque de tormentas e unha estación de bombeo soterrada”, según indican desde o Concello de Cervo. Tamén informan de que as obras de saneamento iniciadas contan cun presuposto de 4.8 millóns de euros.
Nota de Prensa
A nova infraestrutura evitará as inundacións na vila
DERON COMEZO OS TRABALLOS DO SANEAMENTO DE SAN CIPRIÁN
• A UTE Estraco-Gia é a encargada da execución das obras, as cales teñen un orzamento de 4,8 millóns de euros.
• Os traballos deron comezo no paseo marítimo da Ría, onde se construirá un tanque de tormentas e unha estación de bombeo soterrada.
Cervo, 12 de agosto de 2009- Esta semana deron comezo os traballos de execución do saneamento da vila de San Ciprián. Así o confirmou hoxe o alcalde de Cervo, Alfonso Villares, quen valorou positivamente o inicio desta obra “tan demandada dende o Concello e reiteradamente torpedeada polo anterior goberno bipartito da Xunta, pero que por fin se ve materializada”.
O novo saneamento de San Ciprián ten un orzamento de 4.854.391 euros e será acometido pola UTE (unión temporal de empresas) formada polas firmas Estraco e Gia.
Na xornada de hoxe os operarios desta UTE procederon ao balado da zona do paseo da Ría onde está previsto que se constrúa o tanque de tormentas soterrado. Os traballos desenvolveranse paralelamente na Avenida da Veiga e na zona do Porto nunha primeira fase e posteriormente se acometerá a construción da estación depuradora no polígono de Cuiña. As obras consistirán basicamente no seguinte:
COLECTORES:
1.- Construción dun tanque de tormentas soterrado no Paseo da Ría de 400 m3 de capacidade de retención, desde o que se realizará a impulsión xeral das augas residuais do núcleo de San Ciprián cara ao polígono industrial de Cuiña onde se construirá a EDAR.
A lonxitude da tubaxe de impulsión é de 1.272,75 m. O bombeo dispón de tres bombas deseñadas para un caudal total de 66 l/s.
2.- Construción dun pozo de bombeo no porto e instalación dunha tubaxe de impulsión até a rede existente, para condución das augas residuais ao novo tanque de tormentas.
A estación de bombeo dispón de dúas bombas cun caudal unitario de 6,3 l/s.
3.- Construción dun colector de 78 m. de lonxitude para recoller as verteduras da península e levalos até o pozo de bombeo do porto.
4.- Construción dun pozo de bombeo en Cubelas e instalación dunha tubaxe de impulsión até a rede existente, para condución das augas residuais ao novo tanque de tormentas.
A lonxitude da tubaxe de impulsión é de 39,6 m. A estación de bombeo dispón de dúas bombas cun caudal unitario de 2,72 *l/s.
5.- Ademais das actuacións comentadas existen outras actuacións que conforman a rede secundaria como son a construción de dous colectores (un para completar o saneamento de San Ciprián de 308 m. de lonxitude e outro para recoller as augas pluviais de 162 m. de lonxitude) e a conexión da rede de saneamento de polígono co colector xeral á EDAR.
EDAR:
Sitúase no polígono de Cuiña. Nesta instalación depurásense as augas do núcleo urbano de San Ciprián e do polígono de Cuiña, isto representa un total de 8.000 habitantes equivalentes.
O caudal medio de tratamento é de 79,23 m3/h.
A liña de tratamento da auga consiste na obra de chegada e elevación, pretratamento, tanques de tormenta e un tratamento biolóxico para a eliminación de nitróxeno e fósforo.
A liña de lodos consta de espesamento, deshidratación, e secado até o 75%.
O alcalde solicitou “a comprensión dos veciños” por mor das posibles incomodidades e molestias que poidan supoñer as obras, “pero aínda así, penso que estes traballos son benvidos polo conxunto de veciños de San Ciprián, xa que unha vez estean rematados evitarán en gran medida que volvan a producirse inundacións nesta localidade”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
