BARREIROS (FNC) .- O alcalde de Barreiros, Alfonso Fuente, lamenta o inicio dunha campaña de multas por parte da Garda Civil de Tráfico a vehículos estacionados na estrada das praias, que é titularidade da Deputación. O rexedor contou que “onte en Barreiros produciuse unha situación de denuncias masivas por parte da Garda Civil de Tráfico e dos axentes do posto de Barreiros que veñen motivadas porque os vehículos, a pesares de que o Concello ten contratados unha serie de aparcamentos para que estacionen fora da vía pública, ás veces aparcan nos dous lados da estrada impedindo circular con normalidade pola zona. Tamén se deron casos de denuncias de persoas que aparcaron os seus coches nas zonas restrinxidas para minusválidos”.
Fuente Parga di que “evidentemente hai que entender que cando se infrinxe a norma pasa o que pasa, porque a norma está aí para ser respectada. Estamos a falar dunha estrada da Deputación e por outro lado estaba a Garda Civil actuando ó non ter policía local Barreiros, e eles reciben ordes da Subdelegación do Goberno para facer o seu traballo. O que boto en falta e o que sí lamento é o que se viña facendo co anterior subdelegado no que se convocaba ó alcalde de Barreiros, a pesares de non ter policía local, ás xuntas de seguridade que se celebraban en Foz ou en Ribadeo para analizar estes temas e ver a posibilidade de solucionalos”. O alcalde de Barreiros engade que “parece ser que aquí nin o novo subdelegado nin o presidente da Deputación deciden chamar ó alcalde para solucionar este problema e tentan solucionalo pola vía da denuncia, e antes da vía da denuncia nós o que estamos a facer desde o Concello en moitos casos é sinalizar ou advertir de que non se aparque en zonas prohibidas antes de iniciar este tipo de denuncias. E onte xurdiu esta situación de denuncias masivas e todo esto se pode evitar si con quen ten a responsabilidade dentro do Concello se fala e se tenta darlle unha solución, e senón suficientes os aparcamentos que temos pois alugaremos máis, pero esto sempre habería que facelo antes de iniciar esta ronda de denuncias desproporcionada”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
