BURELA .- A concelleira Benestar Social, Xuventude e Deportes, Neves Cando, agora que xa están a punto de rematar as actividades de verán que organizaron os seus departamentos, fai “un balance que é moi positivo polo grao de participación e aceptación que tiveron entre o público máis novo. Hoxe venres rematan as actividades deportivas que se estiveron a desenvolver na praza do Concello ao longo de todas as mañás, patinaxe, aerobic, batuka, xogos tradicionais e predeportivos, onde participaron unha media de 20 ou 25 nenos en cada una delas”.
A edil nacionalista segue a relatar que “a vindeira semana concluirá o obradoiro de macramé que se viña desenvolvendo na Casa da Xuventude os xoves e os venres e que en principio era só para o mes de xullo, pero que tivemos que ampliar ao de agosto dada a aceptación e as gañas que nel puxeron os participantes. Durante dúas horas á semana un grupiño de 10 a 15 nenos e nenas elaboraron diverso material como chaveiros, pulseiras ou cintos, xogando cos fíos e coas bolas de colores”.
Neves Cando suliña que “aínda continuará ata o 11 de setembro a ocioteca que desde as Delegacións de Traballo e Benestar Social puxemos en marcha este verán para posibilitar ás nais e aos pais que traballan a conciliación da vida laboral coa familiar e que nesta época do verán deixa aos nenos libres do curso escolar e á expectativa de actividades lúdico-formativas fora da súa casa. Para nós é unha moi grata satisfacción ver o éxito que ten este espazo de ocio para os máis pequenos e no que 20 nenos e nenas con idades comprendidas entre os 3 e os 8 anos disfrutan durante toda a mañá de actividades moi diversas onde se misturan o lúdico e o formativo para encarar temas como a saúde, o medio ambiente, a creación artística…”.
E xa concluindo o mes de agosto “as actividades para os máis pequenos aínda seguen e hoxe venres ás sete da tarde hai unha cita co circo na praza da Mariña e os vindeiros 28 de agosto e 11 de setembro rematamos con outras dúas mostras máis de actividades para os máis pequenos na praza da Mariña antes de que comence o curso escolar”, explica Neves Cando.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
