BURELA (FNC) .- O vindeiro luns, 24 de agosto, comezarán os traballos de adecentamento do campo de fútbol de A Marosa e o anexo de adestramento para mantelos en condicións aceptables de cara á práctica deportiva diante do inminente comezo da temporada futbolística. Segundo explica o edil de Obras de Burela, Pascual Doménech, “comezarase polo desbroce perimetral dos dous campos e seguidamente limparase toda a zona traseira da tribuna sur que se atopa chea de cascallos e restos de material de obra. Así mesmo, e en espera de poder arranxar a tribuna afectada polo Klaus, procederase á retirada de vigas, restos de aluminio e sillas rotas das bancadas que poden supoñer agora mesmo un perigo potencial para os usuarios do campo”.
O edil socialista engade que “se reporán as pranchas de metacrilato rotas dos banquiños, repararanse pechaduras de vestiarios e repasaranse de pintura os locais do campo que o necesiten. Pintarase tamén o valado publicitario a pé de campo e o peche exterior lavarase con auga a presión para limparlle o musgo incrustado e así despois proceder posteriormente ao seu pintado”. Todas estas actuacións son complementarias á execución xa rematada da instalación dunha depuradora de oxidación total cun orzamento de 45.000€ “e o que se pretende conseguir é un cambio de aspecto para facelo máis acolledor tanto ás ducias de nenos integrantes da canteira da S.D. Burela, como ao equipo afeccionado así como aos clubes visitantes”.
Rede de saneamento-Camiño de Foxo
Por outra banda, o concelleiro de Obras anuncia que a Consellería de Medio Rural investirá 42.000€ na rede de saneamento de camiño de Foxo. Pascual Doménech conta que “logo da comunicación recibida dende a Consellería do Medio Rural, para a distribución dos recursos económicos que pon a disposición do Concello de Burela dentro do PEIM RURAL 2009, procedeuse á redacción dunha memoria valorada denominada: rede de saneamento-Camiño de Foxo. Despois de presentar o anteproxecto, recibíuse notificación para a sinatura dun convenio no que a consellería ten previsto asumir con cargo aos seus orzamentos a obra de infraestructura referenciada, así como a súa execución, cun coste aproximado de 42.000€”.
O edil de Obras e Servizos sinala que “o obxecto das obras que se pretenden é mellorar os servizos urbanísticos na zona entre A Casilla e Os Castros, dotándoa dunha rede de saneamento que satisfaga as necesidades creadas polas vivendas existentes e de nova construcción. A descrición da obra a realizar é a seguinte: excavación de zanxas en roca, suministro e colocación de pozos e colector de saneamento, conexión coa rede existente para bombeo e suministro e posta en obra de capa de rodadura tipo D-12 de 6 cm. de espesor (reposición de pavimento)”. Pascual Doménech engade que “a cambio, o Concello de Burela pon a disposición da consellería de todos os terreos necesarios libres de cargas e gravames e unha vez recepcionadas as obras, comprometese á explotación, mantemento e conservación da mesma”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
