FOZ .- A praia da Rapadoira será o escenario de clausura dunhas xornadas lúdico-informativas sobre recollida selectiva de residuos promovidas por Medio Ambiente. Estas xornadas celebráronse ao longo de todo o mes de agosto, impartíndose nun total de 15 areais galegos.
REFERENCIA
A praia da Rapadoira será o escenario de clausura dunhas xornadas lúdico-informativas sobre recollida selectiva de residuos promovidas por Medio Ambiente.
Este proxecto informativo enmarcouse dentro dunha campaña máis ampla que Medio Ambiente realizou coa colaboración da empresa Ecoembes en 149 praias distribuídas en 72 concellos, das que 34 son fluviais
Cada xornada lúdico-informativa estivo coordinada por un equipo de 3 monitores en horario de 12 a 14 horas e de 16 a 20 horas
As xornadas visitaron as praias de Barreiros, Ortigueira, Cabanas, Muros, Fisterra, Carnota, Nigrán, Sanxenxo, Ribeira, Pobra do Caramiñal, Ourense e Vigo
O propósito era ofrecer datos aos nenos e adultos, lembrándolle aos usuarios a existencia de contedores, os residuos que se deben depositar en cada contedor ou a resolución de dúbidas
Foz (Lugo), 30 de agosto de 2009.- A Consellería de Medio Ambiente, Territorio e Infraestruturas promoveu durante o mes de agosto unha campaña de xornadas lúdico-informativas sobre a implantación da recollida selectiva en praias da nosa comunidade. A praia da Rapadoira, no concello lucense de Foz, será o escenario no que se lle poña peche a estas actividades divulgativas.
Estas xornadas celebráronse ao longo de todo o mes de agosto, impartíndose nun total de 15 areais galegos. Este proxecto informativo enmárcase dentro dunha campaña máis ampla que Medio Ambiente realizou en colaboración coa empresa Ecoembes en 149 praias distribuídas en 72 concellos, das que 34 son fluviais.
As xornadas lúdico-informativas foron unha actuación de información activa sobre a recollida selectiva dos residuos urbanos nos propios areais e zonas de baño. O propósito era ofrecer datos aos nenos e adultos, lembrándolle aos usuarios a existencia de contedores, os residuos que se deben depositar en cada contedor ou a resolución de dúbidas. Os técnicos da campaña tamén pretendían recoller a valoración e receptividade dos usuarios e agasallalos con diverso material promocional.
Actividades
Cada xornada lúdico-informativa foi coordinada por un equipo de 3 monitores en horario de 12 a 14 horas e de 16 a 20 horas, aproximadamente.
A actividade ocupou un espazo máximo de 100 m2 e desenvolverase a partires da instalación dun punto informativo. Estes puntos contaron cunha carpa amarela de 3×3 metros, exemplos de contedores de 120 litros, paneis informativos coa imaxe da campaña, paneis voadores amarelos co lema “Separar para reciclar”, megafonía e material para a dinamización dos xogos.
Os puntos informativos instaláronse, preferentemente, na entrada máis transitada da praia, acordándose previamente con cada concello, a quen se lle solicitará autorización para a ocupación dese espazo e para o uso da megafonía.
Concienciación dos nenos
Os cativos tiveron a oportunidade de participar en xogos para a comprensión básica da recollida selectiva, coa intención de espertar do seu interese pola xestión dos residuos domésticos e o coidado das costas e do mar.
As citadas xornadas lúdico-informativas, incluídas no programa de recollida selectiva, tamén buscaban fomentar unha mellor imaxe ambiental dos concellos participantes e, por suposto, da comunidade galega en xeral.
As xornadas rematan hoxe, domingo 30 de agosto, na praia da Rapadoira do Concello de Foz (Lugo). Esta actividade iniciouse o pasado 6 de agosto e visitou os areais de Barreiros, Ortigueira, Cabanas, Muros, Fisterra, Carnota, Nigrán, Sanxenxo, Ribeira, Pobra de Caramiñal, Ourense e Vigo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
