BURELA (FNC) .- O Centro de Información ás Mulleres de Burela organiza un curso de 100 horas de duración sobre informática básica para mulleres que se celebrará os vindeiros meses de setembro e outubro. O número de prazas ofertadas é de 15 e todas aquelas interesadas deben anotarse antes do vindeiro luns, 24 de agosto.
Neves Cando, explicou que “a Delegación de Igualdade do Concello de Burela a través do seu Centro de Información ás Mulleres organiza un curso de informática básica para mulleres que terá unha duración de 100 horas. Este curso de formación cofinanciado polo Fondo Social Europeo e o Servizo Galego de Igualdade está dirixido a calquera muller con residencia en Galicia que sexa maior de idade ou estea emancipada. O número de prazas que se ofertan é de 15 e segundo as bases terán preferencia aquelas mulleres que sufran situacións de violencia de xénero ou de exclusión social, as que teñan responsabilidades familiares non compartidas, así como as que desexen incorporarse á vida laboral despois dunha interrupción causada pola dificultade de compaxinar a vida familiar e laboral”.
Neves Cando sinalou que “para poder participar neste curso as mulleres teñen que inscribirse nas oficinas do noso Centro de Información ás Mulleres antes do vindeiro luns día 24 porque esa mesma xornada ás 12.00 da mañá no Centro Ocupacional de Burela terán lugar as probas de selección das mulleres inscritas”.
A edil nacionalista engadiu que “se trata dun curso de informática básica de 100 horas de duración formado por 3 módulos, 85 horas de informática, 10 horas de igualdade de oportunidades e 5 horas de orientación e información profesional. O comezo do curso será o 1 de setembro e rematará o 30 de outubro desenvolvéndose en horario de mañá de 11.00 a 13.30 horas. Para máis información sobre este curso todas aquelas mulleres interesadas en participar poden achegarse ao Centro de Información ás Mulleres do Concello de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
