BURELA (FNC) .- Burela celebra sábado, 22 de agosto, o Día da bicicleta. A saída será ás 12.00 horas da praza do Concello e todas aquelas persoas que queiran participar só teñen que estar no punto de saída media hora antes. A delegada de Deportes, Neves Cando, convida a gozar deste paseo a todos os bureleses e tamén visitantes.
A edil nacionalista explicou que “como remate das actividades deportivas deste verán dende a Delegación de Deportes realizamos este sábado 22 a partires das 12.00 horas da mañá o Día da bicicleta. Trátase de gozar un ano máis dun paseo polo pobo e promover así o uso da bicicleta e as actividades ao aire libre. A saída deste percorrido terá lugar na praza do Concello para achegarnos despois ao paseo marítimo ao lado da praia de O Cabaliño, marchar ao longo da costa ata a praia de A Marosa e volver de novo á praia de O Portelo onde finalizará o percorrido”.
Neves Cando sinalou que “tódalas persoas que queiran participar nesta actividade poderán facelo acudindo media hora antes do comezo do percorrido no propio punto de saída e tódolos participantes recibirán unha camiseta de agasallo. Con esta inciativa a Delegación de Deportes quere impulsar a actividade deportiva como fonte de convivencia porque se trata dunha actividade que queremos que sexa compartida polas familias, por iso convidamos aos nenos e ás nenas, aos rapaces e ás rapazas e aos papás e mamás e ao público en xeral que queira disfrutar dun paseo en bicicleta polo noso pobo”.
A responsable de Deportes engadiu que “non se trata de competir nunha carreira senón de admirar a nosa paisaxe pola ribeira e de paso facer un pouco de exercicio físico nun ambiente saudable e de lecer. Quedan pois convidados os bureleses e burelesas e tamén os turistas que nos visitan estes días a sacar este sábado a bicicleta á rúa e correr con nós neste Día da bicicleta 2009”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
