RIBADEO .- A asociación ribadense Atalaia solicita que “se nos de traslado de calquera proxecto, plan, obra… que afecte os veciños de Ribadeo” e pide que se considere a asociación “parte interesada”. Según a entidade veciñal “o tramite de exposición ao público mediante anuncio nos boletíns correspondentes, taboleiro de anuncios é insuficiente para calquera proxecto-obra que afecte á propiedade privada dos veciños”
Nota de Prensa
Hoxe presentouse escrito no Concello de Ribadeo que di: Nesta asociación recibimos queixas veciñais sobre as obras na Atalaia, concretamente pola escavación por baixo dos cimentos da Capela (século XII) e do muro existente (Principios do XIX)
Escavouse sen ter en conta a existencia de accesos a propiedades lindeiras (e dos dereitos deses propietarios) coa Atalaia que agora quedan sen obxecto algún, coa consecuente perdida para a propiedade e perigo resultante pois os afectados que non se decataron das obras poden sufrir accidentes.
Entendemos que o tramite de exposición ao público mediante anuncio nos boletíns correspondentes, taboleiro de anuncios é insuficiente para calquera proxecto-obra que afecte á propiedade privada dos veciños, que debe ser obxecto de notificación persoal aos interesados, e máis cando é para alterar por completo unha contorna histórica-cultural.
Xa ocorreu cando se tratou de impor o Plan Sectorial de Vivenda aos veciños da parte vella entre outros proxectos nos que a transparencia é obviar por parte da Administración e asi denunciabamos en xaneiro deste ano o incumprimento co desenvolvemento sustentable e a participación cidadá que leva a Axenda 21, Carta de Aalborg 10 e as Directrices en materia de urbanismo sinaladas pola Unión Europea
O pasado abril insistiamos na nosa denuncia de incumprimentos en materia de participación cidadá ante a falta de información sobre o trazado das lineas de alta tensión.
Por todo o exposto , como Asociación inscripta no Rexistro Municipal, ATALAIA pide considéresenos parte interesada e se nos de traslado de calquera proxecto, plan, obra… que afecte os veciños de Ribadeo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
