CERVO .- A corporación municipal de Cervo tratrá en pleno a aprobación do anteproxecto das obras de construción dos colectores xerais e da estación depuradora de augas residuais (EDAR) que dará servizo aos núcleos de poboación de Cervo e Figueirido. Esta nova infraestrutura ten un orzamento de execución estimado en 1.752.744 euros.
Nota de Prensa
Esta nova dotación dará servizo aos núcleos de Cervo e Figueirido
O CONCELLO CEDERÁ OS TERREOS PARA A CONSTRUCIÓN DA DEPURADORA DE CERVO
A EDAR ten un custe de 1,7 millóns de euros que serán sufragados por Augas de Galicia.
Terá capacidade para tratar os residuos de 1.500 habitantes, un 38,5% máis da actual poboación beneficiaria.
Cervo, 14 de agosto de 2009- A corporación municipal do Concello de Cervo abordará o vindeiro luns, día 17, a aprobación do anteproxecto das obras de construción dos colectores xerais e da estación depuradora de augas residuais (EDAR) que dará servizo aos núcleos de poboación de Cervo e Figueirido. Esta nova infraestrutura ten un orzamento de execución estimado en 1.752.744 euros que serán subvencionados na súa totalidade polo ente público Augas de Galicia. Pola súa parte, o Concello de Cervo comprométese a ceder os terreos necesarios para levar adiante a execución desta obra.
A nova EDAR de Cervo está proxectada para poder dar servizo a unha poboación futura de 1.500 habitantes (na actualidade son 923 os habitantes que se verán beneficiados con esta nova depuradora). Terá unha superficie en planta de 1.461 metros cadrados e contará cos máis modernos avances en canto ao tratamento de augas residuais. Segundo a memoria técnica do anteproxecto, a EDAR de Cervo terá unha capacidade media de tratamento de augas residuais de 309 metros cúbicos ao día e poderá depurar ata 36,69 metros cúbicos á hora de caudal punta.
O rexedor cervense lembrou que esta obra era unha infraestrutura moi demandada polos veciños de Cervo e de Figueirido. “Coidamos que con esta aprobación do anteproxecto podamos ver materializadas dunha vez por todas as nosas reivindicacións de hai anos de poder facer un saneamento integral de todo o municipio” salientou Villares.
Cabe lembrar que a finais do pasado pasado ano o alcalde cervense xa propuxera aos técnicos de Augas de Galicia a construción de dous colectores e unha estación depuradora en troques dunha gran estación de bombeo “e con este proxecto esa petición faise realidade” salientou Villares. Na súa opinión, este proxecto “supón un aforro ao evitarse unha gran estación de bombeo; ao tempo que conseguimos ter unha visión integral do saneamento dos núcleos que bordean o río Xunco”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
