RIOTORTO .- O Presidente da Deputación, José Ramón Gómez Besteiro, desprazouse este mércores o Concello de Riotorto no que o organismo provincial está a investir 1.669.721 euros. Gómez Besteiro, que estivo acompañado polo Alcalde da localidade, Federico Gutiérrez Estoa, visitou varias obras que se acometeron no municipio mariñano, e que están incluídas no Plan de Comunidades Veciñais de 2008 da Deputación.
A través desta iniciativa, Riotorto recibiu da Deputación 39.123 euros, que serviron para acondicionar o centro sociocultural de Vilaseca, onde o titular provincial foi recibido polos veciños da localidade. Gómez Besteiro destacou que “este Plan segue a ser un bo modelo porque inclúe obras pequenas, que non menos necesarias, que esixen unión veciñal e que non se poderían facer se non tivesen o apoio da Deputación”.
Coincidindo coa chegada a Riotorto, o máximo mandatario provincial decidiu suspender parte do programa da visita previsto ó producirse un incendio nunha finca da localidade de Val ó carón dunha estrada. O Presidente e o rexedor municipal foron os primeiros en chegar á zona e en avisar ó servizo de extinción de incendios para sofocar o lume.
A visita, na que tamén participou a Vicepresidenta Segunda, Lara Méndez, continuará pola tarde, cando Gómez Besteiro supervisará as obras de asfaltado e de mellora dos camiño da Cruz e de Val, e a igrexa de Espasande de Abaixo que foi tamén rehabilitada coa iniciativa da Deputación.
Polígono industrial
O Presidente tamén lembrou que, a través da Sociedade Provincial Urbanística (SUPLUSA), acometerá as obras da área industrial na zona de Vilarín, no lugar das Rodrigas, e que suma un investimento de 1.437.414 euros. SUPLUSA xa procedeu á redacción do Plan de Sectorización do solo apto para urbanizar.
A institución provincial desenvolverá unha superficie total de 106.214 m2, dos que 53.595 m2 estarán adicados a parcelas industriais e 23.893 m2 a espazos libres e zonas verdes. Quedan previstos para a súa cesión ó Concello, 2.154,50 m2 de equipamentos deportivos; 1.077,25 m2 de equipamento social e 1.077,24 m2 para comercial.
A Deputación tamén está a realizar outros investimentos neste municipio a través doutros Plans. É o caso do de Conservación Integral das Estradas Provinciais, a través do que Riotorto, xunto cos de Abadín, A Pontenova, Mondoñedo e A Pastoriza se atopa na zona 3. O mantemento dos 65,050 quilómetros deste Concello foi adxudicado para este ano por un importe de 155.030 euros.
Este Concello tamén acometerá a xestión de 56,302 quilómetros de estradas provinciais, o que supón un custe para a Deputación de 9.948 euros. Riotorto tamén recibiu 11.206 euros do Fondo Extraordinario da Deputación que complementa o Fondo de Investimento Local do Goberno Central. Esta cantidade corresponde ó 4% dos 280.172 euros concedidos a través do Plan E.
O municipio mariñano ten 1.559 habitantes. A través do Plan de Pequenas Infraestruturas para Concellos de menos de 5.000 habitantes de 2009, a Deputación achega 17.000 euros, que se destinarán á mellora de infraestruturas viarias en Santa Marta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
