BURELA (FNC) .- A tenente de alcalde, Neves Cando, explicou esta mañá que o punto máis relevante do pleno de hoxe será unha moción conxunta presentada por BNG e PSOE para instar á Xunta de Galicia a que defenda os intereses do Concello sobre o trazado da autovía Barreiros-San Cibrao diante do Ministerio de Fomento.
A edil nacionalista anunciou que “o pleno do Concello de Burela vai aprobar hoxe as alegacións que presentamos ao estudo informativo sobre a autovía San Cibrao-Barreiros, unhas alegacións que, en resumo, rexeitan as tres propostas presentadas polo Ministerio de Fomento que discorren paralelas á actual variante de Burela porque hipotecan e lesionan gravemente o futuro do noso pobo a tódolos niveis, tanto urbanística como socioeconómicamente. A nosa proposta avalada por tódolos grupos políticos, pola asociación de veciños e a comunidade de montes de Burela, é a opción plantexada pero descartada polo Ministerio de Fomento que discorre mais ao sur do noso concello”.
Cando insiste en que “ésta é a única opción viable para nós porque elimina a afección existente da actual variante e non xenera novos caudais que poidan afectar as nosas infraestructuras municipais posto que non modifica as concas dos verquidos, non impide o desenvolvemento de ámbitos imprescindibles para o crecemento económico do municipio e facilita as conexións do núcleo co ámbito municipal que se sitúa o máis ao sur da actual variante. Por todas estas razóns o Concello vai solicitar que esta autovía San Cibrao-Barreiros discorra polo trazado sur, polo itinerario máis ao sur proposto por Fomento. Dada a singularidade territorial de Burela con moita fronte costeira e pouca profundidade, xa hai moita afección de protección costeira e mais tamén de infraestructuras de carácter supramunicipal como é a rede ferroviaria, todo isto fai que o noso crecemento territorial sexa de cara ao sur e que ésta sexa únicamente a opción válida para Burela”.
A tenente de alcalde engadiu que “ademais destas alegacións o Concello de Burela tamén ten que emitir un informe sobre este trazado da autovía ao igual que tamén o terá que facer a Xunta de Galicia segundo se ordena na resolución da Dirección Xeral de Estradas pola que se aprobou provisoriamente este estudo informativo. E é aquí, neste informe que terá que emitir a Xunta de Galicia, onde nós queremos incidir presentando unha moción conxunta BNG-PSOE para aprobar esta tarde no pleno e na que instamos á Xunta para que no informe que deberá emitir sobre este estudo informativo da autovía Barreiros-San Cibrao defenda os intereses do Concello de Burela no senso de rexeitar a opción escollida polo Ministerio de Fomento e apoiar as alegacións aprobadas por nós para que desta maneira non se hipoteque o futuro urbanístico e socioeconómico de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
