Nota de Prensa
Fomento leva case un ano incumprindo o acordo que lle obrigaba a negociar con Alcoa a apertura do dique norte
O BNG solicita a comparecencia de Blanco para que informe sobre o dique norte
O Bloque Nacionalista Galego vai solicitar a comparecencia do Ministro de Fomento, o lucense Xosé Blanco, a fin de que como máximo responsábel dos portos de Interese xeral de conta das xestións que ten desenvoltas o Goberno do Estado a fin de facer efectivo o acordo adoptado pola Comisión de Infraestructuras do Congreso dos Deputados.
Hai que ter en conta que o 25 de Setembro de 2008 a Comisión de Fomento do Congreso dos Deputados aprobou por unanimidade a instancias do BNG solicitar do Goberno do Estado que iniciase negociacións coa multinacional ALCOA nun prazo de tres meses a fin de que se procedese a liberalizar o dique norte do porto de Moras. Na perspectiva de facer seguimento a devandito acordo os nacionalistas presentamos en Xaneiro de 2009 unha iniciativa de control na Cámara Baixa a fin de coñecer as xestións desenvoltas polo Goberno do Estado para facer realidade o acordo do Congreso. Neste sentido o Goberno do Estado contestou a esta pregunta con data 31 de Marzo de 2009 afirmando que por parte do Goberno non se procedeu a manter ningún contacto coa dirección de Alcoa. Poren na resposta do Goberno afirmase que o Ministerio de Fomento procedeu a analizar estudios de oferta e de demanda concluíndo que “no existe demanda no cubierta en la zona y que la oferta existente puede atender en condiciones adecuadas el tráfico en el año horizonte del PEIT. En su caso, la transformación supondría una redistribución de tráficos entre puertos, generando problemas de sobrecapacidad en aquellos en los que se pueda producir desviaciones de tráfico.”
O Bloque Nacionalista Galego considera que transcorreu un tempo máis que razoábel, case un ano, para que a administración do estado procedese a executar os acordos parlamentares polo que é fundamental a comparecencia que vimos de solicitar na perspectiva de coñecer cales son as auténticas intencións do mesmo. Non queremos pensar que tras o acordo de setembro de 2008 no Congreso o que se agochaba era unha expresión de cinismo por parte da cámara que pretendía disimular a falta de vontade política por facer unha realidade unha infraestructura tan necesaria para o norte galego.
O Bloque Nacionalista Galego considera que este incumprimento dos acordos parlamentares por parte do goberno do Estado significa un auténtico desprezo para os veciños da Mariña e unha burla por parte do partido que sustenta o Goberno aos seus electores posto que esta reivindicación recollíase no seu programa electoral e foi referendada polo PSOE en institucións locais, provinciais e autonómicas. O silencio e a falla de compromiso do Ministerio de Fomento evidencia que para o executivo a apertura do dique norte de Alcoa non é unha prioridade, e aínda máis que na axenda do Goberno Zapatero non está dotar a Lugo dun Porto Comercial.
Os nacionalistas consideramos que non hai ningunha razón de orde técnico , vinculada as características da enseada e da zona de abrigo , nin de ordenación dos usos nos Portos de Interese Xeral, estamos diante dun problema de vontade política e de falla de peso da Mariña de Lugo fronte ao Porto de Gijón e tamén d´a Coruña. Neste sentido hai que ter en conta que o actual presidente de Portos do Estado, Fernando González Laxe, na súa publicación canónica sobre os Portos de Interese Xeral en 1999, afirmaba que as grandes fortalezas e oportunidades do Porto de Morás non estaba só vinculado ao binomio electricidade e aluminio ou as posibilidades que se abrían para os graneis líquidos e sólidos senón mesmamente a usos turísticos como podían ser o arrastre de transatlánticos de luxo, limitando as debilidades a deficiente conexión intermodal por ferrocarril e estrada. O BNG non vai entrar en ningunha batalliña de salón con outras forzas políticas sobre esta infraestructura, agora ben consideramos máis que irresponsábel, que se pretenda romper a unidade existente na comarca sobre esta reclamación.
Na nosa opinión merece unha reflexión particular a actual conxuntura económica que vive Galiza e o Mundo e as posibilidades de negocio e desenvolvemento para a zona que se abren coa apertura do dique norte ao tránsito comercial posto que abarataría os gastos de loxística de boa parte do sector industrial da zona que se ven obrigados a utilizar os Portos de Vigo, Coruña e Gijón, frearía a fuga de determinados divisións do noso tecido empresarial que se están desprazando cara Coruña e maioritariamente a Gijón e abrindo novas posibilidades de negocio como as que sinalaba o propio Presidente de Portos do Estado. Hai que ter en conta que a propia memoria da Autoridade Portuaria de Ferrol – San Cibrao recollía na súa memoria de 2007 que o volume de negocio do conxunto dos dous portos representaba máis volume de negocio que o conxunto do sector forestal galego naquela altura, sendo o 46,7% deste volume, o que se xera en San Cibrao.
O BNG vai agardar ao mes de Setembro polas explicacións do Sr.Blanco na Cámara Baixa, no suposto de que estas non sexan coherentes co acordo do 25 de setembro de 2008, os nacionalistas retomaran a mobilización social emprendida o ano pasado e paralizada tras o acordo Parlamentario. No mesmo sentido queremos que o Goberno do estado teña claro que o BNG vincula directamente a apertura do dique norte coa posición do BNG na votación dos Orzamentos Xerais do Estado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
