NOTA DE PRENSA
O BNG RECLAMOU AO PP QUE SE FAGA CARGO DOS SEUS PROPIOS ERROS DE XESTIÓN E NON FAGA PAGAR AOS VECIÑOS O DESASTRE ECONOMICO DO CONCELLO.
Os nacionalistas non apoiaron o Plan de Aforro presentado polo goberno local por cargar o pago da mala xestión nun importante aumento da presión fiscal sobre os veciños
O orzamento para 2009, debe asumir un o desaxuste contábel do ano 2008 por un importe de 1.677.614,90 €
Cervo, 17 de xullo e 2009. O BNG abstívose no primeiro punto do orde do día por entender que o contido do Plan de saneamento da facenda municipal esixido para acceder ás axudas establecidas polo RD 5/2009 para facilitar aos concellos afrontar as débedas pendentes con empresas e autónomos, fai cargar nos veciños o desastre económico da mala xestión do PP. Pola contra apoiaron a concertación dunha operación de crédito de acordo co Decreto por importe de 806.559,42€ que nin sequera cubre o 50% do desaxuste contábel do ano 2008. O orzamento 2009 foi votado en contra por consideralo falso, xa que inclue na previsión de ingresos partidas procedentes do Convenio de Infraestruturas e Servizos pendentes de cobro á inmobiliaria Pasillo Verde que consideraron non se van executar, polo que se xenerará un novo desaxuste contábel na liquidación do ano 2009.
DO ORDE DO DÍA:
1º PUNTO: Aprobación do Plan de Saneamento do Concello de Cervo nos termos establecidos no RD 5/2009 de 24 de abril para facilitar aos concellos o saneamento das débedas pendentes de pagamento con empresas e autónomos.
O BNG abstívose neste punto por entender que “o plan proposto polo goberno local busca cargar nos veciños as consecuencias do derroche económico realizado nos últimos anos polo PP”. Neste sentido lembraron que “as liquidacións dos orzamentos dos últimos anos, todas contiñan previsións de ingresos que logo non se producían” o que xenerou constantes liquidacións con remanentes negativos de tesourería que veñen lastrando os orzamentos seguintes. Ademais “no plan de saneamento inclúese aumentar a presión fiscal sobre os veciños co aumento de tódolos impostos directos e indirectos nun momento no que a situación económica non e positiva”.
2º PUNTO: Aprobar a concertación dunha operación especial de endebedamento conforma ao RD 5/2009 para facilitar aos concellos o saneamento das débedas pendentes de pagamento con empresas e autónomos.
O BNG apoiou a concertación deste crédito por importe de 806.559,42€ incluída ano RD 5/2009 para facilitar o pago da débeda pendente, “aínda que lembrou que non chega a cubrir o 50% do desaxuste orzamentario do ano 2008 que ascende a 1.677.614,90 €”, e lembraron que “tódolos concellos deben asumir plans de saneamento das súas facendas, como xa tiña que facer o de Cervo e nunca fixo”. Os nacionalistas botaron en cara ao Alcalde e Concelleiro de Facenda, Alfonso Villares, que “dende que el está como responsabel de facenda, houbo que ver como o Consello de Contas abría unha investigación sobre a xestión económica do concello, como o Tribunal de Contas abría dilixencias polo mesmo motivo e agora a propia xustiza ordinaria abre unha investigación por malversación de fondos públicos que non se sabe a onde vai chegar”
3º PUNTO: Aprobación inicial do expedente orzamentario para o exercizo 2009.
O BNG non apoiou o orzamento 2009, absténdose por responsabilidade ao entender que é necesario, mais chega tarde. Reprocharon ao goberno local a falta de traballo ao “non presentar orzamentos municipais nos últimos anos a pesar de ter maioría suficiente para levalos adiante”. O orzamento 2009 sae outra vez lastrado polos de exercizos anteriores, neste caso cun deficit de 1.677.614,90 €, froito do remanente negativo de tesourería de 2008. Ademais reprocharon ao PP que siga na mesma liña, xa que “dos poucos investimentos que se prevén, todos son procedentes de axudas do anterior goberno bipartito e da Deputación, ningún do actual goberno da Xunta da mesma cor política”. Ademais inclúese como maior partida de investimento 1.272.509,42 €, procedente do Convenio de Infraestruturas e Servizos, pendentes de cobro á Inmobiliaria Pasillo Verde, hoxe cun proceso concursal aberto, que nin se van cobrar durante o exercizo 2009, nin se prevé o seu cobro a medio prazo, polo que “o PP volve incidir na política de inflar os orzamentos con previsiónde ingresos que non se van producir o que provocará coa liquidación un novo desaxuste contábel”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
