Nota de Prensa
O BNG celebra actos informativos sobre o trazado en todoas as parroquias de Foz
Basanta solicita a convocatoria dunha Xunta de Portavoces para que os redactores do Plan informen sobre
as consecuencias urbanísticas da Autovía para Foz
O Portavoz Municipal do Bloque Nacionalista Galego na Corporación de Foz, Xoán Carlos González Basanta, ven de solicitar do Alcalde do Concello a convocatoria dunha reunión urxente da Xunta de Portavoces do Concello a fin de que se proceda a solicitar do Ministerio de Fomento a ampliación do prazo de Exposición pública do Estudo Informativo da Autovia Barreiros- San Cibrao e que se convoque unha xuntanza cos redactores do plan para analizar as consecuencias que o mesmo vai ter no planeamento actualmente en fase de aprobación inicial.
Os nacionalistas focenses consideran que é necesario que se proceda a estudar de xeito demorado o trazado proposto polas implicacións que o mesmo vai ter para o futuro do Concello, mais aínda cando se trata da infraestrutura de meirande importante do Municipio e que vai determinar a súa articulación e mesmo vertebración para un amplo periodo de tempo. Nos non queremos que en Foz se repitan experiencias recentes como as acontecidas coa variante, onde a falta de seguimento e control por parte da equipa de goberno xerou unha auténtica desfeita da que aínda Foz paga as consecuencias.
O portavoz Municipal do BNG de Foz considera que sería unha auténtica irresponsablidade que Foz se posicionase verbo dun trazado dunha autovía que afecta a práctica totalidade do territorio municipal sen coñecer as consecuencias que o mesmo vai ter para o planeamento municiapal e nomeademente para a clasificación do solo. Neste sentido debemos lembrar que os propios redactores do PXOM nas reunións mantidas cos grupos municipais afirmaron que unha vez coñecido o trado deste vial compría un informe pola sua banda para determinar as modificacións a executar no PXOM. Tal como manifestou o propio Basanta hai que ter en conta que se trata dunha obra de carácter supramunicipal que se traspón sobre o planeamento polo que as súas prescripcións son de obrigado cumprimento para o Plan.
A natureza xurídica do vial atendendo a Lei 4/94 de Estradas de Galiza establece que as autovias son estradas de catro carrís cunha afección a ambas beiras de cen metros non permitindose nos cincuenta primeiros nengún tipo de uso edificatorio e nos cincuenta restantes usos residencias coa autorización do Ministerio de Fomento. A este respeito é obvio que fican afectadas algunhas zonas que no PXOM tiñan a consideración de solo de nucleo e moi particularmente a sua area de expasión, concretamente en Cangas e Vilaronte.
O BNG sembre considerou que a definición da ordenación do territorio débese facer en constante debate e consultando co conxunto da cidadanía e non como unha decisión unilateral do grupo de goberno. Rivera pola experiencia do Plan Xeral debía saber que a probación de calquer instrumento que determina o Planeamento se se pretende que sexa unha realidade precisa de diálogo senón está chamado a convertirse nun elemento de discordia e conflicto. Neste sentido os nacionalistas van iniciar unha campaña informativa no conxunto das parroquias do Concello a fin de dar a coñecer a todos os veciños o trazado da autovía e de coñcer a sua posición e suxestións. Os actos informativos van dar comenzo o Mercores 1 de Xulloo en Vilaronte e rematarán o Sabado 11 en Fazouro.
Anexase calendario de actos informativos no Concello de Foz
Mercores 1 ás 20:30 no Castro de Vilaronte. Xoan Carlos Basanta, Balbino Fernández e M. Xosé Alonso.
Xoves 2 ás 20.30 no Teleclube de San Martiño. Xoan Carlos Basanta, Balbino Fernández e M. Xosé Alonso.
Venres 3 ás 21:30 no Centro Social de Cangas. Xoan Carlos Basanta, Balbino Fernández e M. Xosé Alonso.
Sabado 4 ás 19:00 no centro Social A Saira de Nois. Xoan Carlos Basanta, Balbino Fernández e M. Xosé Alonso.
Domingo 5 ás 18:30 na antiga escola de Cordido. Xoan Carlos Basanta, Balbino Fernández e M. Xosé Alonso.
Luns 6 ás 20:30 no local social de San Acisclo. Xoan Carlos Basanta, Balbino Fernández e M. Xosé Alonso.
Mercores 8 ás 20.30 na Casa da Cultura de Foz. Xoan Carlos Basanta, Balbino Fernández e M. Xosé Alonso.
Sabado 11 ás 20:30 na antiga escola de Fazouro.Xoan Carlos Basanta, Balbino Fernández e M. Xosé Alonso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
