BURELA (FNC) .- Hoxe terá lugar a inauguración da VII feira Produart de Burela. O acto será ás 19.00h da tarde e asistirán o alcalde de Burela, Alfredo Llano e a vicepresidenta segunda da Deputación, Lara Méndez. A feira estará aberta durante os tres días da fin de semana e coincidirá mañá coa XXV Feira do Bonito durante a xornada do sábado.
O alcalde, Alfredo Llano explicou que “hoxe imos iniciar unha fin de semana intensa e bonita para toda a xente de Burela e para a xente de fóra que queira achegarse ata aquí e gozar destes días. Ás 19.00h imos inaugurar a Produart, onde vai haber case 70 expositores de diferentes produtos, artesanía, comida, produtos ecolóxicos… vai haber un pouquiño de todo de tal maneira que será un extraordinario escaparate para promover as formas ecolóxicas e naturais de producir tanto para xantar como para gozar. Estará aberta tres días xa dende hoxe ás 17.00h da tarde, aínda que a inauguración oficial terá lugar ás 19.00h e non se pechará ata o domingo ás 20.00h da tarde”.
O rexedor sinalou que “complementando a Produart, que xa é bastante importante, vaise celebrar a XXV Feira do Bonito, que consolida esta festa tan importante para Burela porque promove, difunde e promociona o noso produto base, o bonito do norte. Hai que dicir que este ano a costeira esta indo moi ben, que é un produto que se está comercializando ben e que está tendo moitísima calidade. Levamos agora mesmo cerca dun millón de quilos facturados, un dato moi positivo e queremos que isto se transmita mañá na Feira do Bonito. Este festexo, que se celebrará mañá, está constituído por un amplo programa que comezará ás 11.00h cos Xogos da Costeira e que rematará ás 2.00 da mañá despois da tradicional verbena. Considero que é moi beneficioso para Burela e para toda a xente da comarca que queira achegarse aquí, ou de Asturias, ademais da moita xente doutros puntos que nos visita estes días. Debemos animar a todo o mundo a participar e gozar destes tres xornadas de ocio e festa”.
Alfredo Llano engadiu que “como homenaxe á xente do mar colocamos 20 fotografías de gran tamaño na parede do porto, en fronte da nave de redes que é onde se celebrarán as dúas festas. Soamente dicir que grazas anticipadas a toda o mundo que participa nestes eventos e invitar a toda a xente que se queira achegar a Burela para que goce dos tres días connosco”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
