NOTA DE PRENSA
O GMPP de Burela considera que o bigoberno está “inutilizado e fóra de servicio”.
Os populares afirman que gracias á nova vía San Cibrao-Barreiros e ás mocions do PP hai contido no pleno do vindeiro luns.
Aseguran que o alcalde leva así dous anos, e seguirá así os dous anos que lle quedan.
O GMPP de Burela manifestou hoxe a través dunha nota de prensa que o alcalde e o bigoberno burelés “están inutilizados e fóra de servicio”, xa que no pleno que se celebrará o vindeiro luns volve a repetirse a mesma situación que se está a vivir desde hai dous anos: o alcalde non leva a pleno ningún asunto da súa propia colleita.
Na orde do día hai dous asuntos que deben ir a pleno por imperativo legal, a conta xeral de 2008 e o estado de execución presupostaria do presente ano. Fóra deso, inclúense as alegacións ó trazado do novo vial San Cibrao-Barreiros, e dúas mocións do PP.
Polo tanto, volve a evidenciarse que o alcalde, PSOE e BNG non teñen proxecto de futuro para Burela; levan así dous anos, nos que ningún asunto importante vai a pleno, e así seguirán os dous anos que lles quedan. Para o PP, é inaudito que un concello coma Burela non xenere asuntos para levar a pleno.
Os populares engaden que eso mesmo está a acontecer na Xunta de Goberno. A Xunta de Goberno está máis orientada a asuntos de trámite, ainda que con amplas competencias; pero é que nin así se meten temas de consideración que o merezan.
O GMPP considera que a ausencia de traballo é evidente, e que vai sendo hora de que os socios do bigoberno lles digan ós cidadáns que teñen pensado facer nos vindeiros dous anos, se é que teñen pensado facer algo, que non sexa cobrar corenta e cinco mil euros o alcalde e outros tantos Nieves Cando.
Os veciños e veciñas deste concello teñen dereito a saber cales son as previsións de actuacións do bigoberno, cales son os proxectos que presentarán. O silencio do bigoberno fai pensar que non hai nada previsto de relevancia, que non hai proxectos ilusionantes, a non ser aguantar como se poida os dous anos que quedan de mandato municipal. En definitiva, van aló dous anos perdidos, e seguramente perderemos os dous próximos; e eso será unicamente responsabilidade do alcalde e de Nieves Cando, porque Burela non se merece o que está acontecendo.
O PP afirma que o alcalde non é de fiar.
Os populares presentaron tres documentos de traballo.
Consideran que o concello debería abonar os gastos que tivo O Vencello.
O PP de Burela indicou hoxe que o alcalde non é de fiar, en relación co asunto do novo vial San Cibrao-Barreiros. E non é de fiar porque ó primeiro dixo que esto era cousa de todos, pero non contou con todos á hora de facer as dúas pobres reunións que mantivo, coa Deputación e con Estradas de Lugo. Tampouco avisou a ninguén para avanzar resultados das reunións que mantivo.
Por riba, segundo os populares, as alegacións que se presentaron na reunión do pasado xoves, que recollen o documento que no seu día presentou o PP, documento que o alcalde esquece a propósito, e que o PP apoiará, son máis escasas cas elaboradas polo Vencello. Polo tanto, é certo que houbo xente que traballou máis ca outra: o traballo non se demostra fadendo moitas reunións da comisión, senon levando papeis e documentos, cousa que o alcalde non fixo hasta a terceira reunión da comisión.
Por eso, e porque o documento final do Vencello é mui superior en contido e en argumentacións, non estaría de máis que o Concello pagase o custo de elaboración de tal documento, xa que o que fixo o Vencello foi, nin mais nin menos,o que tiña que ter feito o Alcalde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
