CERVO .- Cervo propón un trazado alternativo para a autovía San Ciprián a Barreiros co fin de evitar partir en dous o núcleo de poboación e as zonas habitadas de San Román e transcorre entre os límites desta parroquia e a súa veciña de Rúa. Esta proposta xorde das xuntanzas do concello de Cervo cos veciños das distintas parroquias do termo municipal e nas que se deu a coñecer o trazado que o Ministerio de Fomento propón para a autovía San Ciprián-Barreiros
NOTA DE PRENSA
A proposta, que o Alcalde elevará para a súa aprobación en Pleno, incorpora as suxestións realizadas polos veciños nas distintas xuntanzas que o Concello de Cervo organizou polas parroquias co obxecto de dar a coñecer o estudo elaborado polo Ministerio de Fomento
CERVO PROPÓN UN TRAZADO ALTERNATIVO PARA A AUTOVÍA SAN CIPRIÁN-BARREIROS AO SEU PASO POLO MUNICIPIO
* En liñas xerais o novo trazado evita partir en dous o núcleo de poboación e as zonas habitadas de San Román e transcorre entre os límites desta parroquia e a súa veciña de Rúa.
* Alfonso Villares adianta que manterá unha reunión cos alcaldes de Burela e Foz para aunar criterios en relación con este nova vía.
Cervo, 24 de xullo de 2009.- No día de onte concluíron as xuntanzas convocadas polo Concello de Cervo cos veciños das distintas parroquias do termo municipal e nas que se deu a coñecer, en presenza dos técnicos de urbanismo e de membros do Equipo de Goberno, o trazado que o Ministerio de Fomento propón para a autovía San Ciprián-Barreiros e que, na actualidade está a en fase de exposición pública, pendente das alegacións que se poidan realizar respecto do seu contido.
Ao remate das mesmas o Alcalde de Cervo, Alfonso Villares deu a coñecer proporá un trazado alternativo para esta vía ao seu paso polo noso termo municipal. A devandita proposta que será elevada para a súa aprobación polo Pleno da Corporación Municipal, xorde como consecuencia das suxestións realizadas polos distintos veciños nas diversas xuntanzas mantidas ata o momento, e ten por obxecto ofrecer un trazado capaz de acadar maior consenso, máis acorde cos distintos intereses e de maior efectividade práctica.
En liñas xerais, o trazado alternativo que defenderá o Concello de Cervo evitar romper en dous o núcleo de poboación e as zonas habitadas de San Román, e transcorrería precisamente entre os límites desta parroquia e súa veciña de Rúa.
Alfonso Villares explicou tamén que ten previsto concertar unha xuntanza cos seus homólogos, os rexedores dos concellos veciños de Burela e Foz –afectados tamén polo paso da nova autovía- de tal xeito que poidan aunar criterios en relación con esta infraestrutura.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
