NOTA DE PRENSA
O GOBERNO LOCAL DEBE MAIS DE 225.000 EUROS Á COMPAÑÍA SUBMINISTRADORA DE ELECTRICIDADE
As constantes cartas remitidas pola empresa ao concello reclamando as cantidades pendentes non fan reaccionar ao alcalde.
As débedas acumúlanse dende o ano 2007 por un importe de mais de 222.000 euros aos que hai que engadir case 3.000 de intereses de demora.
Cervo, 7 de xullo de 2009. O BNG fai públicas as constantes reclamacións da compañía subministradora de enerxía eléctrica ao concello de Cervo, unha presentada no mes de decembro do ano pasado, outra o mes de xaneiro e a última o pasado 10 de xaneiro onde a compañía reitera nunha carta dirixida ao alcalde o pago da débeda mais os intereses de demora. Os nacionalistas pedirán explicacións ao alcalde por esta situación que ameaza o mantemento do subministro eléctrico a algunhas instalacións e infraestruturas de servizos municipais.
O ALCALDE SEMELLA VIVIR NOUTRO MUNDO MENTRES OS SUBMINISTRADORES DE MATERIAIS E SERVIZOS RECLAMAN CON INSISTENCIA O PAGO DE DÉBEDAS PENDENTES.
O BNG fai pública a última carta remitida por unha representante da compañía eléctrica ao alcalde de Cervo, na que lembra a remisión doutras dúas, nos meses de decembro e xaneiro que se completaron con chamadas telefónicas aos servizos de Intervención sen que foran atendidos os pagos pendentes. Na misiva advírtese que xa están amplamente superados os prazos establecidos pola lexislación para o pago destas facturas, que nalgún caso superan os 26 meses de atraso.
O goberno local segue sen reaccionar á caótica situación económica do concello, cun orzamento prorrogado do ano 2007 que non se axusta á realidade actual, “ non se entende como un goberno con maioría absoluta, é incapaz de elaborar ano a ano uns orzamentos municipais de acordo coas necesidades anuais do concello”, sinalan os nacionalistas, que tamén denuncian que o goberno local tampouco rende as contas nos prazos que corresponde ante o Consello de Contas e o Propio Tribunal de Contas advirte nun escrito do 8 xuño de posibeis responsabilidades penais ao non ter presentado diante deste organismo estatal a Conta Xeral do Ano 2006. Por outra banda, “descoñecemos as medidas a tomar polo goberno local” que podendo aproveitar o Decreto Lei 5/2009 de Medidas Urxentes para facilitar ás entidades locais o saneamento das débedas pendentes con empresas e autónomos, “ aínda non procedeu a aprobar a liquidación do orzamento municipal do ano 2008 e un Plan de Saneamento” como esixe o decreto que debe ser cumprimentado neste mes de xullo. “Mentres o Alcalde e responsábel de Facenda, Alfonso Villares, reúnese co Conselleiro de Facenda da Xunta, como si este tivera algunha competencia nun asunto ou lle fora resolver uns problemas que son da súa exclusiva responsabilidade”.
O BNG PEDIRÁ EXPLICACIÓNS SOBRE A SITUACIÓN E MEDIDAS DE CHOQUE PARA FACER FRONTE ÁS DÉBEDAS COS SUBMINISTRADORES
Os nacionalistas esixen ao goberno municipal medidas para paliar a situación, “non pode ser que mentres se deixa de pagar aos subministradores de materiais e servizos básicos, o goberno local segue gastando importantes cantidades de diñeiro público en propaganda para lucimento persoal do alcalde e algún outro membro do goberno local”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
