BARREIROS (FNC) .- A concelleira de Cultura, Adela Rodríguez, anunciou as actividades que o Concello de Barreiros acollerá durante os próximos días. Mañá haberá maxia para os máis pequenos, unha charla para saber ligar destinada aos mozos o día 4, a Caixiña de Mistos o mércores 5 de agosto, un obradoiro para mulleres e o sábado día 8, o tradicional Festival do Emigrante.
A edil de Cultura explicou que “a primeira actividade será Segredos dun mago, un acto para nenos e adultos, mañá na Praza do Concello ás 20.30 horas, haberá cadeiras e esperamos, coma tódolos anos, contar coa praza chea de xente. É unha actuación patrocinada polo Xacobeo 2010 e conta coa colaboración do Concello de Barreiros. Logo o día 4 de agosto, na bibliopraia do areal de Coto impartirase a charla para xóvenes de máis de 16 anos, sobre como relacionarse e cómo ligar. É unha actividade organizada polo Servicio Galego de Igualdade, o centro Quérote de Burela e colabora o Concello de Barreiros, os rapaces o pasarán moi ben, terán información gratuíta con proxeccións, música, etc, e as animadoras ofreceranlles moitos coñecementos sobre o tema. O día 5 de agosto, a partir das 11.00 horas da mañá teremos connosco A Caixiña dos mistos, para nenos de 0 a14 anos que poderán ir acompañados dos pais. Haberá diferentes sesións de 11.00 a 13.00 e de 16.00 a 19.30. Invito tanto a nenos como ós pais porque é unha actividade feita xa noutros concellos e ten moita acollida. É patrocinada pola Deputación de Lugo e colabora o Concello de Barreiros”.
Adela Rodríquez engadiu que “o día 8 de agosto celebraremos o Festival do Emigrante e ademais pola mañá, na praza do Souto terá lugar a IV Feira Artesanal. O Festival Folclórico Internacional será no campo de fútbol de As Valgas ás 22.00 da noite e este ano os grupos que participan proceden de Sri Lanka, Rusia, Valdepeñas e o Arco da Vella de San Miguel. Para acabar o día haberá unha verbena coa orquestra Lecer. E o día 11 terá lugar o Obradoiro das mulleres, son charlas de temas novos, documentacións que noutro momento non hai posibilidade de coñecer . Será de 18.00 a 20.00 da tarde no Centro Sociocultural de Barreiros e agardamos contar con moitas mulleres do noso municipio”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
