A xunta aproba a convocatoria de bolsas para libros de texto e axudas para drogodependencia

SANTIAGO.- No último consello da Xunta de Galicia, tomou acordos que afectas á comarca da Mariña. Designou os representantes da administración autonómica no Consello de Administración de Portos de Galicia, entre eles os mariñáns Domingo Rey Seijas en representación da Federación Provincial de Confrarías de Pescadores de Lugo e como suplente a Alfonso García Ben; a Antonio Pertejo Castaño en representación das Cámaras de Comercio, Industria e Navegación da provincia de Lugo e a Lara Méndez López en representación das Administracións locais pola provincia de Lugo.

Tamén se aprobou a convocatoria de bolsas para a adquisición de libros de texto no curso 2009-2010. O prazo para a presentación da solicitude estará aberto do 1 ao 30 de setembro.
A Consellería de Sanidade aprobou orzamentos destinados a cofinanciar os centros de drogodependencia de Burela e Ribadeo.

NOTA DE PRENSA

A XUNTA DESIGNA OS REPRESENTANTES DA ADMINISTRACIÓN AUTONÓMICA NO CONSELLO DE ADMINISTRACIÓN DE PORTOS DE GALICIA

§ Os representantes da Administración son nomeados por proposta das consellerías representadas no ente público

O Consello da Xunta aprobou hoxe o decreto polo que se nomean os novos membros do Consello de Administración do ente público Portos de Galicia. O Consello de Administración é o órgano superior colexiado de dirección do ente público tal e como se dispón no artigo 10 do seu regulamento aprobado polo Decreto 227/1995, do 20 de xullo.

A súa composición atende á proposta do presidente do ente público Portos de Galicia, agás os representantes da Administración autonómica, nomeados por proposta dos respectivos conselleiros dos departamentos autonómicos con representación no ente.

A composición do Consello de Administración de Portos de Galicia queda da seguinte maneira:

SANIDADE DESTINA PRETO DE 2 MILLÓNS DE EUROS A CONCELLOS E MANCOMUNIDADES GALEGOS PARA O COFINANCIAMENTO DE PROGRAMAS DE PREVENCIÓN DE DROGODEPENDENCIAS

A Consellería de Sanidade achegará un total de 1.967.680 euros a 43 convenios de cooperación para o cofinanciamento de programas de prevención de drogodependencias con distintos concellos e mancomunidades da Comunidade Autónoma de Galicia, achegando a actividade preventiva a un total de 114 concellos de Galicia a través de agrupacións de concellos limítrofes ou os que conforman as distintas mancomunidades.

Esta cantidade distribuirase en dúas anualidades (2009-2010) -de 983.840 euros cada unha- entre os concellos de Ames, O Barco de Valdeorras, Betanzos, Boqueixón, Burela, Cangas, O Carballiño, Carballo, Catoira, A Coruña, Culleredo, Cuntis, A Estrada, Fene, Ferrol, O Grove, Lalín, Lugo, Marín, Monforte, Noia, Ourense, Ponteareas, Pontedeume, Pontevedra, O Porriño, Rábade, Redondela, Rianxo, Ribadeo, Ribeira, Santiago de Compostela, Sanxenxo, Sarria, Tui, Vigo, Vilagarcía de Arousa e Vilalba e as mancomunidades do Carballiño, Celanova, Ordes, Val Miñor e Verín. O orzamento destinado oscilará entre os 20.400 e os 112.200 euros.

Os programas de prevención serán desenvolvidos ata o 30 de xuño de 2010 nos ámbitos, escolar, familiar, xuvenil e/ou laboral. Tamén se realizarán actividades transversais de soporte a estes programas, tanto de información-sensibilización como de formación de mediadores sanitarios e sociais.

(Xúntase cadro cos datos por concellos.)

As parénteses cun número fan relación ao número de concellos agrupados (43 convenios – 114 concellos)