BURELA (FNC) .- O concelleiro de Industria, Comercio e Turismo de Burela, José González Legazpi, fai unha valoración moi positiva da participación do Concello en Fimo, a Feira Internacional de Mostras do Noroeste que se veu celebrando en Ferrol ao longo dos últimos días. Legazpi considera que “Burela representa o maior exito dentro da promoción turística e gastronómica da 47ª edición de Fimo, certame que acada cada ano máis protagonismo neste ámbito”.
O Concello de Burela, segundo o concelleiro de Turismo, “ven facendo un importante esforzo por acadar cada ano máis protagonismo neste certame, alí presentamos na pasada edición o noso stand, e dotamos de relevancia as presentacións da Feira do Bonito con degustacións, que foron mellorando cada ano, así nesta edición se presentou unha nova forma de preparalo. O pasado sábado foi a xornada adicada a Burela, pola mañá presentóuse a Feira do Bonito que acada este ano a súa XXV edición, e polo serán tivo lugar a degustación que representou un total éxito. É de destacar o que se informa neste senso desde os distintos medios de comunicación que din que outros concellos siguen o exemplo de Burela na divulgación dos seus productos típicos, posicionando deste xeito ao noso Concello como claro referente de promoción turística e gastronómica no certame de Punta Arnela”.
José González Legazpi asegura que a delegación que se desprazou a Ferrol “ven satisfeita polo traballo realizado e porque vemos como os esforzos realizados acadan protagonismo e favorecen claramente a importancia do noso Concello como referente turístico e gastronómico dentro dun espazo feiral da importancia de FIMO Ferrol e a súa transcendencia, que de seguro nos reportará tamén relevancia como destino turístico dentro da comarca da Mariña”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
