NOTA DE PRENSA (FNC)
NEVES CANDO CRITICA AO PP POR NON APOIAR NO PLENO DE ONTE QUE SE DOTE AO CENTRO DE SAÚDE DE BURELA DUNHA MATRONA. A TENENTE DE ALCALDE DI QUE OS POPULARES ANDAN DESORIENTADOS E SÓ INTERESADOS NAS DESCALIFICACIÓNS POLÍTICAS E PERSOAIS.
Burela, 26 de xuño de 2009. A tenente de alcalde, Neves Cando, asegura que “unha vez máis se puido ver que o PP anda moi desorientado, moi fora da realidade e só interesado nas descalificacións políticas e persoais”.
No pleno de onte aprobóuse por unanimidade a adhesión do Concello de Burela ao convenio marco entre a Consellería de Medio Ambiente e as entidades xestoras da recollida de residuos de aparatos eléctricos e electrónicos. Tamén se aprobou cos votos a favor do bipartito e a abstención dos populares a creación dunha comisión encargada de valorar e premiar ós solares e hortas do concello que estean mellor cuidados.
Dous asuntos foron a pleno pola vía de urxencia. Un foi a ratificación por unanimidade do acordo de 30 de marzo de 2006 no que se pedía a Fomento que o trazado do Corredor Barreiros-San Cibrao “pasase polo sur do noso concello para que non nos hipoteque tanto no aspecto urbano como no socioeconómico”, explicou Neves Cando. Na sesión de onte tamén se aprobou por unanimidade da Corporación o apoio do Concello de Burela para o mantemento dos postos de traballo e a continuidade da empresa Gres Burela así como a intermediación ante a Xunta de Galicia.
Neves Cando engade que “sen embargo o PP non quixo apoiar unha moción nosa que reclama á Consellería de Sanidade que se dote ao centro de saúde de Burela dunha matrona para que se cubran as demandas de saúde das mulleres do noso concello na sanidade pública, que é a que ten que facelo e que así Burela teña esta profesional no noso centro de saúde como tamén xa a hai en Ribadeo, en Viveiro ou en Mondoñedo. Pero para o PP de Burela este tema non é digno de consideración, esa historia como o calificou onte o Sr.Barcia no pleno non é fundamental para eles e as nais xestantes do noso concello non merecen o apoio do PP para reclamar esta matrona na sanidade pública. Nós sí o imos facer e nese sentido nos imos dirixir á Consellería de Sanidade para que, en función das directrices que xa están marcadas pola propia consellería, se dote da profesional correspondente a esa praza de matrona que xa existe, pero que non está cuberta no centro de saúde de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
