NOTA DE PRENSA
O deputados autonómicos populares queren que a Xunta pregunte ao Goberno central como é posible que, prevendo os informes técnicos a inestabilidade xeolóxica da zona o Ministerio que preside Jose Blanco non houbera adoptado as decisións para evitar ou minimizar os problemas xurdidos tras producirse os desprendementos
A FALTA DE PREVISIÓN DE FOMENTO AFASTA A ENTRADA EN SERVIZO DA AUTOVÍA DO CANTÁBRICO ATA MÁIS ALÓ DO ANO 2013
• Malia que o prazo de execución das obras da Trascantábrica no treito Mondoñedo-Lindín non debía superar os 36 meses os derrubamentos que se están a producir no monte Padornelo e a incapacidade de retomar as obras, privan aos veciños da Mariña lucense da principal autovía de comunicación co resto da comunidade, España e Europa.
A Mariña lucense, 13 de xuño de 2009.- Os deputados do Partido Popular de Galicia (PPdeG) Jose Manuel Balseiro Orol e Emma Álvarez Chao interesáronse no Parlamento autonómico polos problemas que están a xurdir na execución das obras da autovía do Cantábrico no treito Mondoñedo-Lindín. Os parlamentarios rexistraron unha pregunta dirixida á Xunta de Galicia a través da que lle pide ao Goberno galego que se interese ante o Ministerio de Fomento sobre como é posible que previndo os informes técnicos a inestabilidade xeolóxica da zona o departamento que dirixe o socialista Jose Blanco non houbera adoptado as decisións e medidas oportunas para evitar ou minimizar os problemas xurdidos tras producirse os desprendementos.
Balseiro Orol e Álvarez Chao atribúen esta circunstancia a unha falta de previsión do Executivo socialista de Zapatero que provocará que a entrada en vigor deste treito e, por ende, do resto da Transcantábrica sufra aínda máis atraso do que xa acumula agora. Segundo os cálculos do deputado do PPdeG a A8 non estará en servizo en todos os seus tramos ata máis aló do ano 2013. “O que vai en prexuízo dos veciños da nosa comarca que se ven privados da autovía que está chamada a vertebrar e comunicar A Mariña lucense co resto de Galicia, de España e de Europa”
Malia que o prazo de execución das obras da Trascantábrica no treito Mondoñedo-Lindín non debía superar os 36 meses os derrubamentos que se están a producir no monte Padornelo e a necesidade de acometer novas actuacións para corrixir estas problemáticas que xa se coñecían e xa terían que terse evitado, poñendo os medios precisos, dan conta da falta de interese que no Executivo central teñen respecto da urxente finalización desta obra.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
