NOTA DE PRENSA
O trazado hipoteca ambiental,patriomial e urbanisticamente varias zonas da Mariña.
Fomento limita a un mes exposición publica do Estudo da Autovia.
O Ministerio de Fomento ven de facer público o Estudo Informativo da Autovía Barreiros San Cibrao(A-8) curiosamente no ano no que tiña que estar rematada a execución deste vial. Non é intención do Bloque Nacionalista Galego facer un recordatorio dos múltiples atrasos que acumulou esta actuación, pero si debemos deixar claro que esta é unha actuación acordada en 2001 no contexto dos acordos entre o Conselleiro Cuíña e o Ministro Cascos e que despois das súas visicitudes orzamentarias, desatascouse no marco da negociación dos Orzamentos Xerais do Estado entre o BNG e o PSOE para 2009 onde os socialistas se comprometían a facer público este documento no primeiro semestre do ano. Nunca é tarde se a dita é boa, agora ben o que non nos parece de recibo é que se pretenda vender como bo ou novo algo que xa ven de vello en cuxo retraso está comprometidos tanto o PSOE como o PP.
Os nacionalistas entendemos que non é casual que se aproveitase este período para súa exposición pública, co que se pretende dificultar a participación veciñal, e menos aínda que se reduza o período de exposición pública a só un mes cando o compromiso de demarcación de estradas en A Coruña era ampliar ao máximo os prazos legais para presentación de alegacións. Nesta liña desde o BNG queremos denunciar tamén a falla de sensibilidade por parte de Fomento en relación coas propostas plantexadas polos diferentes colectivos veciñais asi como as suxestións formuladas polos plenos dos Concellos de Foz, Burela e Cervo. Xa que logo os nacionalistas ofrecemosnos ao conxunto dos veciños dos Concellos a dar a coñecer o trazado e prestar a nosa colaboración en plantexar as propostas que consideren oportunas.
O BNG dirixiuse en repetidas ocasións ao Ministerio de Fomento para que fixese público este trazado pola sua transcendencia xa non na vertebración do territorio mariñán senón tamen porque este é determinante para a sua ordenación territorial é mais nun momento no que os Concellos están a redixir os seus planeamentos. Ao tratarse dunha obra de caracter supramunicipal, o trazado trasponse ao planeamento polo que tanto os PXOM en redacción como os aprobados inicialmente teñen que recoller na sua integridade neste vial o que obriga a empezar de novo cos mesmos. Neste sentido debese ter en conta que a Autovía modifica as previsións xerais do Planeamento o que afecta ao conxunto do documento. A maior abondamento debemos considerar que se trata dunha estrada que ten a fórmula xurídica de Autovía polo que a sua área de afección é de 100 metros a cada banda do vial, quedando inhabilitados para a edificación os primeiros 50 metros e nos 50 metros restantes precisandose para obrar dunha autorización de Fomento.
Non podemos esquecer que desde os Concellos plantexouselle a Fomento un trazado que tivese en conta a riqueza patrimonial, ambiental así como o respecto aos diferentes usos do solo para que fose un elemento de vertebración e desenvolvemento sostíbel, malia iso a traza que propón afecta solo urbano, areas da rede natura como a Ría de Foz, ou BIC como o de San Martiño de Mondoñedo. Asemade hai que ter en conta que se están dividindo núcleos ou parroquias como Cangas ou Vilaronte así como afectando vivendas xa construídas ou zonas que ten a consideración de solo núcleo rural que a lexislación homologa ao urbano consolidado.Ao final na solución proposta por Fomento primou o criterio económico sobre o racional.Os nacionalistas consideramos fundamental que se estude ben o proxecto e se plantexen solución para evitar desfeitas como vivimos nun pasado ben recente.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
