Nota de Prensa
O GMPP de Burela pide que se mellore a vixiancia no mar.
Manuel Fernández e Pablo Pernas solicitan que se poña en marcha a Garda Civil do Mar de Viveiro e se solucione a problemática do Servicio de Vixiancia Aduaneira de Ribadeo.
Os populares presentan outra moción solicitando que non se instalen parques eólicos mariños.
O GMPP de Burela vén de presentar unha moción no concello para que a Corporación se pronuncie a favor de millorar a vixiancia e a loita contra a delincuencia a través da posta en marcha do Servicio da Garda Civil do Mar en Viveiro, e de que se solucione a problemática do Servicio de Vixiancia Aduaneira de Ribadeo.
Manuel Fernández e Pablo Pernas consideran que a Garda Civil do Mar debería estar xa ubicada e totalmente operativa en Viveiro, porque as instalacións están listas desde hai catro anos. Os dous edís populares consideran que a situación actual non beneficia en nada a loita contra a delincuencia e a vixiancia no mar, senón que a empeora, por falla de efectivos e medios.
Pablo Pernas e Manuel Fernández tamén consideran que se debe dar, e canto antes, unha solución definitiva á situación do Servicio de Vixiancia Aduaneira de Ribadeo. A presencia dunha segunda lancha é temporal, polo que a Axencia Tributaria, que é de quen depende, debe arbitrar solucións definitivas.
Os populares entenden que o concello de Burela, dadas as súas características, non debe esquecer a importancia destes dous servicios, de aí que se trasladen estas inquedanzas ó Pleno da Corporacion para que este se defina.
Noutro orde de cousas, os populares veñen de presentar unha moción no concello para esixirlle ó Goberno Central que paralice o Plano de Instalación de Parques Eólicos Mariños. Os populares entenden que, no caso de Burela, tendo en conta a importante flota coa que conta o porto, os danos á economía pesqueira poden ser importantes. Igualmente, desde o punto de vista medioambiental poden supoñer un grave perxucio para o medio mariño.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
