SANTIAGO .- O Parlamento de Galicia expresa a súa máis absoluta repulsa contra o atentado que esta mañá custou a vida a un inspector de Policía en Arrigorriaga e reitera a súa plena confianza nos mecanismos do Estado de Dereito como única vía para rematar coa barbarie terrorista.
O Parlamento de Galicia expresa tamén a súa solidariedade cos diferentes corpos e forzas de seguridade, un de cuios integrantes foi asasinado esta mañá.
Simultaneamente, o Parlamento de Galicia anima ao conxunto dos cidadáns galegos a participar activamente nas concentracións de repulsa convocadas para expresar o rexeitamento dos cidadáns de ben contra a barbarie terrorista.
A presidenta do Parlamento de Galicia, Pilar Rojo, facéndose eco do sentir unánime da Cámara, telefoneou á presidenta do Parlamento Vasco, Arantza Quiroga, para trasladarlle as condolencias dos 75 deputados autonómicos galegos.
Esta declaración foi consensuada cos tres grupos políticos representados no Parlamento de Galicia.