A MARIÑA .- O Observatorio da Mariña pola Igualdade valora de xeito “moi positivo a campaña “Dálle a volta”, que desde principios do curso escolar chegou a todos os institutos da comarca co obxectivo de promover a reflexión e crítica das actitudes sexistas entre a mocidade”.
Nota de Prensa
O Observatorio da Mariña pola Igualdade está a traballar cos centros de secundaria da mariña na continuación e consolidación da campaña “Dálle a volta”, logo do éxito deste curso
Como parte das actividades, en outubro presentará un informe sobre as actitudes de xénero en secundaria na Mariña
O Observatorio da Mariña pola Igualdade fai un balance moi positivo da campaña “Dálle a volta”, que desde principios do curso escolar chegou a todos os institutos da comarca co obxectivo de promover a reflexión e crítica das actitudes sexistas entre a mocidade. Tanto o profesorado coma o alumnado amosáronse moi interesados e participativos na campaña, cualificando esta iniciativa como “rompedora, anovadora e necesaria” para a etapa da adolescencia, a máis vulnerable de todas. A responsable da iniciativa, Carolina García, dixo estar satisfeita polo traballo realizado porque conseguiu esperta-lo espírito crítico dos mozos e mozas acerca das imposicións sexistas que impiden que na sociedade de hoxe homes e mulleres teñan as mesmas oportunidades.
O material empregado durante a campaña consistíu en dípticos e adhesivos que a asociación elaborou para a ocasión e nos que destacaba o lema “Eu tamén son feminista”. Conseguiuse esgota-los 1.000 exemplares de adhesivos e 2.000 folletos durante as charlas e obradoiros que se impartían nos centros durante os recreos.
Novas propostas e enquisa sobre as actitudes de xénero.
O éxito e a repercusión de “Dálle a volta” ábrelle as portas ó Observatorio da Mariña pola Igualdade para seguir traballando na elaboración de novas propostas ós centros pensando xa no vindeiro curso escolar. Na actualidade estase a traballar no establecemento de liñas de colaboración para a realización de obradoiros de coeducación, de violencia machista, e de calquera outra temática que contribúa ó entendemento da realidade dende unha perspectiva de xénero.
Tamén na actualidade o Observatorio está a realizar un estudo de investigación en base aos datos achegados e recollidos nunhas enquisas realizadas polo profesorado dos centros como parte do programa “Dálle a volta”, co obxectivo de medir unha serie de variables relacionadas co sexismo nas aulas. Con eses datos elaborarase unha publicación con gráficos sobre “Actitudes de xénero en Secundaria na Mariña”, que previsiblemente se dará a coñecer no mes de outubro. Deste xeito, desde o Observatorio preténdese suplir a carencia que existe na nosa comarca sobre estudos deste tipo centrados no enfoque de xénero na realidade específica da Mariña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
