BURELA (FNC) . O pleno de Burela acordou por unanimidade ratificar o acordo de 30 de marzo de 2006 “no que se pedía desviar o corredor Barreiros-San Cibraro ó máximo cara o sur do concello para que case non afectase a este municipio. E é o que defendemos e defenderemos de novo”, segundo explica o alcalde Alfredo Llano.
O corredor foi a pleno pola vía de urxencia ó igual que o apoio demandado ó pleno por parte dos traballadores de Gres Burela. O rexedor sinala que “pedían o apoio para defender os seus postos de traballo e a continuidade da empresa e consideramos que o IGAPE podería aportar fondos para manter tanto a firma como os seus empregos, sobre todo nos tempos que corren. Ademáis decidimos crear unha comisión de seguimento para ver como vai evolucionando dita cuestión para poder botarlles unha man en canto sexa necesario e existan posibilidades”.
No sesión celebrada onte en Burela aprobouse por unanimidade a adhesión do Concello de Burela ao convenio marco entre a Consellería de Medio Ambiente e as entidades xestoras da recollida de residuos de aparatos eléctricos e electrónicos. O alcalde, Alfredo Llano, asegura que “tratamos eses residuos como si fosen urbanos de tal xeito que apoiaremos ás familias e ás pequenas e medianas empresas na súa recollida, porque as grandes empresas que manexan un grande volume destes aparellos xa se considera que eles deben ser os encargados de reciclalos. O que faremos será aportar un espacio no punto limpo para a súa recollida”.
Mocións
Tamén se aprobou cos votos a favor do bipartito e a abstención dos populares a creación dunha comisión encargada de valorar e premiar ós solares e hortas do concello que estean mellor coidados. Sobre as mocións que se debateron no pleno, Llano di que “se presentaron tres. Unha para o adianto dos pagos para subvencións de entidades deportivas, culturais e asociacións de veciños. Esa moción foi rexeitada polo bipartito e outra que presentou o PP relativa ó espigón da Marosa que foi aprobada por unanimidade. Votamos a favor porque alí xa se está a traballar e foi aprobada cos votos do bipartito e a abstención do PP a moción mediante a que se insta á Consellería de Sanidade a dotar dunha matrona ó centro de saúde de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
