LUGO .- Con motivo do evento “Arde Lucus” que se vai celebrar esta fin de semana en Lugo, a Deputación presentará un programa medio-ambiental denominado Km0 Xtreme. Por outra banda nas actividades para coñecer a provincia participarán membros do Club Náutico de Foz, que realizarán unha travesía en catamarán polos Canós do Sil
NOTA DE PRENSA
Km0 Xtreme estará presente no “Arde Lucus” cun stand na Praza Maior de Lugo
Os Codos de Belesar son visitados por primeira vez dentro desta iniciativa promovida pola Deputación
A nova oferta do programa medioambiental Km0, denominado Km0 Xtreme estará presente no Arde Lucus cun stand na Praza Maior de Lugo. O posto estará aberto ó público desde o venres ata o domingo, durante os tres días de celebración desta festa nos que se prevé a chegada de milleiros de visitantes á cidade de Lugo.
Grazas a esta iniciativa, a Deputación facilitará información sobre as 14 novas rutas que poñerán en valor as Reservas da Biosfera a través do deporte e a multiaventura. O vindeiro 1 de setembro empezará a segunda etapa deste programa, no que se pasará das 88 rutas actuais a 135.
Ademais, darase a coñecer a todos os interesados o procedemento para apuntarse. Deberán entrar na web: www.km0.deputacionlugo.org e descargar a folla de inscrición. Unha vez cuberta, deberán enviala á dirección de correo electrónico km0@deputacionlugo.org, por fax ó 982 26 01 70, ou por correo ordinario ó Servizo de Protocolo (rúa San Marcos 8, 27001 Lugo).
Rutas desta semana en Km0
Os Codos de Belesar e a igrexa románica de Diamondi, na comarca do Saviñao, serán visitados por primeira vez dentro do programa Km0. Ademais, nesta cuarta semana de xuño inclúense rutas ós Canós do Sil e á Ría de Ribadeo. En total, preto de 130 veciños de Foz, Sober e outros Concellos da provincia participarán nesta iniciativa promovida pola Deputación para dar a coñecer o noso patrimonio medioambiental e favorecer a nosa economía.
Un grupo de 55 persoas pertencentes á Escola Municipal de Sober foi recibido este martes no Pazo de San Marcos. A ruta elexida incluíu unha visita ó Centro de Artesanía e Deseño. A continuación, desprazáronse ó Concello de Ribadeo para visitar o Centro de Cultivos Mariños, realizar unha traesía marítima pola ría e visitar o Convento de Santa Clara.
A comarca do Saviñao será mañá o destino de Km0. Participará un grupo de 36 solicitantes individuais que, en primeiro lugar, coñocerán as ínsuas do Miño. Despois visitarán a igrexa de Diamondi, unha das xoias do románico da nosa provincia, e desde aí realizarán unha ruta de sendeirismo polos Codos de Belesar ata chegar ó pobo do mesmo nome.
Por último, o xoves 36 membros do Club Náutico de Foz realizarán unha travesía en catamarán polos Canós do Sil. Aproveitarán a súa visita á Ribeira Sacra para degustar viño nunha das adegas da zona. A ruta tamén inclúe unha visita ó Mazo de Santa Comba.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
