LOURENZÁ .- O club de fútbol Bóveda fíxose coa Copa Deputación para as categorías de segunda e terceira autonómica ao vencer pola mínima, nos últimos minutos, ao Alfoz que dominou sen éxito case todo o partido. O encontro disputouse no campo de Santa Cruz en Lourenzá e onde responsable da área de Deportes da Deputación, o nacionalista Antonio Veiga, entregou a XXVI Copa Deputación ao capitán do Bóveda
Nota de Prensa
O BÓVEDA GAÑA A XXVI COPA DEPUTACIÓN PARA 2ª E 3ª AUTONÓMICA
O equipo de Bóveda venceu pola mínima, cun gol nos últimos minutos do encontro, a un Alfoz que dominou boa parte do partido disputado no campo de Santa Cruz en Lourenzá
LUGO, a 20 de xuño de 2009. O club de fútbol Bóveda fíxose coa XXVI Copa Deputación para as categorías de 2ª e 3ª Autonómica ao vencer pola mínima, mercede dun gol conseguido nos últimos minutos de partido froito dun despiste defensivo dun Alfoz que dominou sen éxito case todo o partido. O encontro disputouse no campo de Santa Cruz en Lourenzá, que presentaba unhas boas condicións para a práctica do fútbol nun día soleado, diante de máis de cincocentos seareiros de ambos equipos que encheron as gradas de colorido verde e vermello ataviados coas vestimentas dos dous conxuntos. Foi unha final disputada de principio a fin, onde o Bóveda fixo gala dunha organización defensiva que anulou os continuos esforzos do Alfoz por inaugurar o marcador, pese a dominar case de principio a fin o encontro. O partido resolveuse cun gol no minuto 85 de xogo nunha das poucas chegadas do conxunto de Bóveda, que aproveitou unha indecisión entre a defensa e o porteiro do Alfoz para anotar o gol que lle outorgaría o título de Campión da XXVI Copa Deputación.
O responsable da Área de Deportes da Deputación, o nacionalista Antonio Veiga, logo de entregar a XXVI Copa Deputación ao capitán do Bóveda e felicitar a ambos conxuntos por haber chegado á final deste trofeo, manifestou a súa satisfacción polo alto grado de participación nesta competición e polo alto nivel de xogo despregado polos equipos finalistas. Veiga quixo felicitar tamén ás afeccións de ambos os dous equipos que se desprazaron ao campo de fútbol de Santa Cruz de Lourenzá nun día soleado que engrandeceu máis se cabe o espectáculo deportivo presenciado na tarde de hoxe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
