BARREIROS (FNC) .- O BNG de Barreiros esixe o inmediato arranxo do acceso a San Caetano desde a N-634 que leva cortado preto de sete meses. O voceiro da formación, Antonio Veiga, sinala que “no pleno do martes insistimos unha vez máis en que ese vial quedou cortado por culpa dunha tromba de auga, impedindo así o acceso á capela de San Caetano, ao campo no que se fai a festa da tortilla, a un futuro negocio de hostelería que se está a instalar na zona e perxudica tamén gravemente a toda a actividade agrícola da zona dado que teñen que dar unha volta bastante grande, incluso baixando pola N-634, de 3 ou 4 kilómetros para circular dunhas fincas a outras”.
O edil nacionalista di que “ainda é máis grave esta situación porque ao longo deste vial vai soterrada a rede de abastecemento de auga desde a depuradora do Masma ata os depósitos de San Caetano que abastecen a todo o concello de Barreiros. Son miles de litros de auga os que pasan por alí e esas tuberías agora mesmo están á intemperie, co que si se produce outro desmoronamento, que é moi probable que poida ocurrir ainda que non volte unha tromba de auga, a catástrofe e os prexuizos poden ser grandísimos. Nós non entedemos como despois de sete meses esto segue sen arranxarse, máxime cando hai unha partida presupostaria para o mantemento da rede viaria e neste caso a súa urxencia está xustificada”.
Veiga Outeiro engade que “vimos no último pleno extraordinario que se pagaron preto de medio millón de euros en facturas pendientes de aprobación, moitas delas con reparos de intervención porque eran gastos indebidamente xustificados e noutros casos non xustificados e entendemos que este gasto sí que está perfectamente xustificado pola súa urxencia e para evitar moitos problemas”.
O BNG agarda que “durante este mes se tome unha solución por parte do Concello porque ao mesmo tempo o malestar dos veciños é moito. Decirlles a eles que nós seguiremos esixindo esta urxente reparación do vial e senón voltaremos a reunirnos para ver cales son as medidas que poderemos tomar para que o Concello actúe nun caso que é de extrema gravidade, segundo o noso entender”.
Relacionado
-
A Deputación aproba unha Declaración Institucional con motivo do Día Internacional para a Eliminación da Violencia contra a Muller
-
O BNG defende a prórroga da moratoria do eucalipto e propón convertela en gran panca de cambio dunha nova política forestal
-
Villares destaca os 100 anos da Confraría de Pescadores de Celeiro en prol do patrimonio cultural pesqueiro
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
