BARREIROS .- Alumnos do colexio público de Boimorto visitaron a exposición permanente que o creador barreirense Celso Dourado ten nas inmediacións da praia da Pasadas. As visitas que están realizando centros escolares a exposición son o paso previo a inauguración oficial prevista para o 27 de xuño.
NOTA DE PRENSA
ESTUDIANTES DE LOURENZÁ E DE BOIMORTO VISITAN ESTES DÍAS A EXPOSICIÓN PERMANENTE DO ARTISTA BARREIRENSE CELSO DOURADO A POUCOS DÍAS DA SÚA INAUGURACIÓN OFICIAL.
Barreiros, 3 de xuño de 2009. Estudiantes de Lourenzá e de Boimorte visitan estes días a exposición permanente do artista barreirense Celso Dourado a poucos días da súa inauguración e apertura oficial. Dourado sinala que “neste período onde os nenos están a rematar o curso hai unha insistencia por saír dos centros e por coñecer historias novas e un tanto didácticas. A semana pasada recibín a visita do colexio público de Vilanova de Lourenzá que están facendo un traballo sobre a miña pintura e que van presentar a un concurso. E este xoves 4 de xuño vai vir o colexio público de Boimorto. Unha parte deste centro xa estivo o ano pasado e agora veñen outros alumnos a coñecer a obra in situ, e realmente cólleme por sorpresa porque ainda non está aberto este espazo expositivo que inauguraremos a finais deste mes”.
Celso Dourado amósase sorprendido polas visitas “estou rexeitando peticións porque ainda non está aberto. Nestes casos non me puiden resistir porque, como dixen, o colexio de Boimorto repite visita e aos de Vilanova de Lourenzá tampouco lles podía dicir que non, porque están a realizar ese traballo sobre a miña pintura. Ainda estou co remate e coas obras, pero abro un pouco para que os nenos poidan visitar este espazo”.
O artista barreirense engade que “agora estamos ultimando os traballos de organización interna para abrir esta exposición permanente o vindeiro 27 de xuño. O acto estará dividido en dúas partes. Haberá unha presentación a partires das oito da tarde que estará conducida pola actriz Comba Campoy e contaremos coa presenza de representantes das institucións, a directora do Museo Provincial de Lugo, etc… e despois haberá unha segunda parte, porque quero que o acto sexa o máis lúdico posible e vánse reunir uns catro ou cinco grupo musicais procedentes de Brasil, Holanda, Alemaña, Bielorrusia ademáis de Miro Casavella. Esta parte do acto contará coa presenza de Xurxo Souto”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
