NOTA DE PRENSA
A falta de compromiso do Executivo socialista de Zapatero é manifesta –segundo o respresentante da Xunta- probablemente porque non consideran prioritario garantir a seguridade e control das nosas costas fronte a acción das mafias, o narcotráfico ou os grupos de delincuencia organizada
BALSIERO LOGRA QUE A XUNTA DE GALICIA REALICE UNHA QUEIXA FORMAL ANTE O GOBERNO CENTRAL POLA FALTA DE DOTACIÓN DE EFECTIVOS DO SERVIZO DA GARDA CIVIL DO MAR
* O deputado popular lembra que en outubro de 2005 o subdelegado de Goberno en Lugo anunciou que dotaría de 30 efectivos a sede que o SASEMAR ten na nosa comarca.
* Catro anos despois de terse construída o Ministerio do Interior non estar a facer uso das instalacións sitas no porto deportivo de Viveiro.
A Mariña, 03 de xuño de 2009.- O deputado do Partido Popular de Galicia (PPdeG) Jose Manuel Balseiro Orol trasladou á Comisión Institucional da Cámara autonómica a inquedanza da sociedade da Mariña despois de que a falta de dotación de efectivos na sede da Garda Civil do Mar en Viveiro estea a provocar unha situación es especial vulnerabilidade na nosa costa fronte a acción dos grupos organizados, narcotráfico e mafias. O parlamentario popular arrincou o compromiso da Xunta de Galicia que formulará unha queixa formal diante do Goberno central por esta situación. Así o explicou o director xeral de Relacións Parlamentarias Roberto Castro hoxe na Comisión Institucional da Cámara galega.
O representante da Xunta de Galicia cualificou de “manifesta” a falta de compromiso do Executivo socialista de Zapatero coa Mariña lucense e atribuíu dito desprezo a falta de rendibilidade electoral deste tipo de cuestións. Roberto Castro adiantou que desde o Goberno autonómico dirixiranse ao central para saber “cal é a causa que provoca este despropósito e que medidas teñen previstas para corrixilo”
Balseiro Orol lembrou que en outubro de 2005 o subdelegado de Goberno en Lugo anunciou que dotaría de 30 efectivos o servizo da Garda Civil do Mar. Uns gardas civís que nunca acaban por chegar ata A Mariña, deixando en precario os medios dispostos polo Executivo para a vixilancia e control da nosa costa.
Pese a levar construída máis de tres anos, e requirir unha inxente cantidade de fondos públicos procedentes do Concello de Viveiro, o Ministerio do Interior non está a facer uso destas novas instalacións da Garda Civil do Mar dispostas no peirao deportivo de Viveiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
