LUGO .- O pintor de Xove, Xoán Guerreiro, mostra no Museo Provincial de Lugo a exposición “Aluguer de Soños” que permanecerá aberta ata o 16 de agosto. Inaugurou o mostra o delegado da Área de Cultura da Deputación, Antonio Veiga, que estivo acompañado pola directora do Museo Provincial de Lugo e comisaria desta mostra, Aurelia Balseiro, o escritor, Paco Martín, o actor e humorista, Roberto Villar, e o propio artista.
Nota de Prensa
NAUGURADA A MOSTRA DE PINTUTA CONTEMPORÁNEA ALUGUER DE SOÑOS DO ARTISTA LUCENSE XOÁN GUERREIRO
Antonio Veiga salientou que o Museo Provincial de Lugo iniciou xa unha nova etapa expositiva na primará a calidade das obras e na que se lles dará aos artistas e ao seu traballo o tratamento e recoñecemento que merecen
LUGO, 11 de xuño de 2009. O delegado da Área de Cultura da Deputación, Antonio Veiga, inaugurou este xoves a exposición antolóxica “Aluguer de Soños” do pintor lucense Xoán Guerreiro. Acompañaron ao nacionalista neste acto, a directora do Museo Provincial de Lugo e comisaria desta mostra, Aurelia Balseiro, o escritor, Paco Martín, o actor e humorista, Roberto Villar, e o propio artista. A exposición poderase visitar na sala de exposicións temporais do museo lucense ata o vindeiro 16 de agosto.
Na súa intervención, Antonio Veiga recalcou que esta exposición segue a liña das últimas mostras presentadas no Museo Provincial de Lugo, uns proxectos que marcaron o inicio dunha nova etapa expositiva neste espazo cultural. Actualmente, os proxectos contan cunha nova liña expositiva, marcada por unha maior permanencia das mostras nas salas, e un amplo e variado programa de actividades culturais deseñado ao seu redor, comentou o delegado da Área de Cultura da Deputación. Nesta liña, o nacionalista tamén salientou a necesidade “primar a calidade das obras expostas, dándolles aos artistas e ao seu traballo o tratamento e o recoñecemento que se merecen”. Un labor moi necesario para cumprir coas expectativas propostas para este novo período expositivo que agora comeza no museo lucense.
Pola súa banda, a directora do Museo Provincial e comisaria da exposición, Aurelia Balseiro, comentou que neste proxecto “amósase a pintura como linguaxe de expresión e comunicación” co fin de “apreciar o desenvolvemento artístico dun pintor en plena madurez creativa e cunha rigorosa produción artística merecedora dunha antoloxía que abrangue unha escolma con varios nexos en común, sendo un deles a paisaxe.” Con todo, a mostra presenta un percorrido a través da súa obra dividida en 13 series de produción: “Galicia é realidade” (1996), “Presaxio de ausencias” (1999), “Manufacturados” (2000), “En tránsito” (2001), Os camiños son nostalxia (2000-2003), “Entre la sombra y la luz” (2003), “Iter Itineris” (2003), “Costa da Morte. Dende Fisterra a Malpica” (2005), “Referencias” (2006), “Fragmentos e Lugo” (2007), “Mar tendido” (2008) e “…Destino?” (2009). Máis de 30 lenzos conforman esta mostra de pintura que algúns expertos insisten en vincular co estilo pictórico “realista intimista”.
Concertos, itinerarios poéticos, obradoiros e visitas guiadas
De xeito complementario á exposición, o Museo Provincial de Lugo pon ao alcance dos lucenses e demais visitantes a posibilidade de participar nunha das dúas visitas comentadas que se desenvolverán os días 16 de xuño e 2 de xullo (ás 20:00 e 19:30 horas, respectivamente) grazas á colaboración da comisaria da mostra, Aurelia Balseiro e do propio artista, Xoán Guerreiro. Unha hora despois da segunda visita guiada, Yolanda Castaño realizará un itinerario poético a través das distintas series de produción que configuran a exposición.
O obradoiro de Germán Limeres e Víctor López Formoselle titulado “Fotografía e Arte” terá lugar os días 2, 4, 5 e 6 de agosto, en horario de maña, nas instalacións do propio museo. A actividade está dirixida a rapaces e rapazas de entre 8 e 13 anos e o número total de prazas ofertadas ascende a 15. O concerto do alumnado do Conservatorio Profesional de Vilalba, o 21 de xullo ás 20:00 horas, e unha serie de visitas guiadas dirixidas aos centros de ensino de Educación Primaria, Secundaria, Bacharelato e Ciclos Formativos completa o programa cultural desta exposición.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
