RIBADEO (FNC) .-Un xurado composto por profesionais da hostalería con ampla experiencia estiveron a percorrer durante a semana os 31 establecementos que participan na cuarta edición de Ribadeo de tapeo. Lara López Leytón-Rubal, Miguel Ángel Sánchez Méndez, Carmen López Leytón-Rubal e Guillermo Vázquez Pérez degustaron as 49 tapas que se presentan a concurso e escolleron ás 12 finalistas que son:
* Ovos rotos con bacallau, da Cervecería- Raxería Pizzbur.
* Polbo á feira ao noso xeito, A Dorada do Cantábrico.
* Xabarín estufado con cogumelos e puré de castañas, La Solana.
* Espeto de boi con vexetais e mazá asada, Casa do Pepe.
* Fabas de Lourenzá con polvo de rocha e gambas, La Lira.
* Gratinado de alcachofas e zamburiñas con queixo de San Simón, Parador de Turismo.
* Cogumelos á crema sobre tosta de follado, O Alén.
* Luras pequenas recheas de marisco con risotto de cogumelos, Bar Galicia.
* Espeto de polbo con salsa tártara, Pulpería Serra.
* Petiscos de alcachofa e gamba, Café-Bar Nevada.
* Pincho de pavo crocante con crema de cocido e sésamo, El Tranvía.
* Tosta de ovo, pataca e chourizo, El Cantón.
Durante esta fin de semana outro xurado no que figuran entre outros: Roberto Walther, xefe de cociña do Centro Superior de Hostalería de Galicia, Ana Martínez Arruña, profesora do IES Valle de Aller, e Manuel Balseiro Pardo, xerente do Restaurante Nito de Viveiro, serán os encargados de fallar os premios nas diferentes categorías entre as tapas que pasaron a final. Elexirán a mellor tapa do ano, a mellor tapa creativa e a mellor tapa tradicional. Á categoría correspondente á mellor barra poderán optar todos os establecementos ainda que non sexan finalistas.
Os clientes que teñen visitada 17 ou máis bares e restaurantes neste Ribadeo de tapeo que segue ata o domingo entrarán no sorteo de varios agasallos.
O nome dos establecementos gañadores do concurso de tapas daráse a coñecer o vindeiro luns.