RIBADEO (FNC) .- O Concello de Ribadeo acolleu esta mañá a presentación da II Volta ás Comarcas de Lugo – Gran Premio Deputación – que se desenvolverá os días 29, 30 e 31 de maio por varias zonas da Mariña, Lugo, Os Ancares e Chantada. En total participarán 18 equipos: 7 galegos, 2 portugueses, outros 7 españois, 1 ruso e 1 italiano. A primeira etapa desta Volta ás Comarcas de Lugo terá como punto de saída e chegada Ribadeo. Ás 13:30 horas do día 29 de maio comezará a primeira das xornadas na que os participantes percorrerán un total de 142 kms pasando polos concellos de Viveiro, Mondoñedo e Burela.
O concelleiro de Deportes, Vicente Castro, sinalou que se trata “dunha proba de élite que é a antesala do ciclismo profesional. É unha oportunidade importante para Ribadeo, dado que acollerá unha proba destas características na que participan uns 150 corredores e toda a montaxe da organización e dos clubes que traen a Ribadeo a unhas 500 personas. É importante tanto desde o punto de vista deportivo como turístico para dar a coñecer e difundir a imaxe de Ribadeo e para promocionar o ciclismo a nivel de base”. Castro engadiu que “a proba en sí é a menos dura das tres etapas que compoñen a volta que comenza na Mariña, segue o sábado por Lugo centro e remata o domingo en Chantada”.
Disculpas polas molestias
O edil nacionalista recoñece que a Volta ás Comarcas de Lugo “traerá consigo dificultades e molestias para os comercios e para os veciños de Ribadeo porque é equiparable a unha etapa da volta ciclista España. Suporá cortes de tráfico importantes e a supresión de zonas de aparcamento durante grande parte do venres, algo que se verá compensado desde o punto económico e turístico”. Vicente Castro pide “a colaboración dos veciños e desde o Concello daremos a máxima información posible dos cambios que haberá no tráfico e dos peches de rúas e zonas de aparcamento. Xa adianto que as inmediacións da praza de abastos, Doutor Moreda e Vicente Pérez Martínez estarán cortadas como mínimo tres horas antes do inicio da proba previsto para a unha e media do mediodía, e á chegada ás catro e media estarán cortadas durante unha hora a entrada desde O Voar, a Avenida de Galicia, Avenida de Asturias ademáis do entorno da praza. Iremos concretando os detalles ao longo destes días e pido disculpas polas molestias ocasionadas. Estarán valadas a Avenida de Galicia e a Avenida de Asturias desde a rúa Vilalba ata a rúa Reinante aproximadamente, entón en toda esa zona estará prohibido o estacionamento e estará afectada tamén por diversos cortes de tráfico”.
Colexios
O Concello tamén “pediu colaboración aos colexios de Ribadeo para que suspendan as clases unha hora antes da chegada desta proba e así evitar as complicacións do tráfico que ocasiona a saída dos centros e para que os rapaces tamén poidan acudir e disfrutar desta Volta Ciclista ás Comarcas de Lugo que chegará a Ribadeo a partires das 16:30 horas”, seguiu a relatar Vicente Castro.
O concelleiro de Deportes tivo palabras de agradecemento para a organización da proba que corre a cargo do Clube Ciclista Cidade de Lugo e tamén para Área de Deportes da Deputación “por darnos a oportunidade de disfrutar desta proba, deste nivel e de brindarnos esta ocasión porque Ribadeo non tivo moitas oportunidades coma ésta. Que eu recorde desde unha meta volante da Volta a España no ano 1988 non disfrutamos de nada así”.
Ribadeo acollerá o venres a primeira etapa da “II Volta ás comarcas de Lugo”
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
