Barreiros, 22 de maio de 2009. O grupo municipal do BNG presenta ao pleno que se celebrará a vindeira semana unha moción relativa aos accesos á autovía desde Estacaxugos. Os nacionalistas din que “é sabido que xa no mes de novembro o noso grupo propuxo a creación daquela comisión de seguimento das obras da autovía A-8. Tamén é sabido que esta comisión foi boicoteada polo PP, pero ainda así o BNG seguiu a reunirse cos veciños e atendendo as demandas que presentaban. Unha das máis importantes para nós naquel momento e ainda agora son os accesos desde a N-634 na zona de Estacaxugos ata autovía”.
O BNG de Barreiros explica que “ese tramo quedou sen vías de servizo e incluso quedou un camiño cortado, o chamado camiño real e os veciños demandaban, cremos que xustamente, a construcción dun paso elevado por enriba dese acceso para que as fincas dun lado e doutro non queden incomunicadas. Unha vez falado cos veciños estes tamén presentaron un escrito en Fomento facendo as mismas demandas que nos fixeran a nós e desde Fomento parece ser que xa houbo uns primeiros contactos con estes veciños afectados que se produciron á semana seguinte de presentaren dito escrito”.
Desde o grupo municipal nacionalista piden na moción presentada para o seu debate “o compromiso de todos os grupos, é obvio que os grupos da oposición están pola labor porque cando o BNG llelo plantexou xa estaban de acordo, e nós o que queremos ter é un acordo unánime do Concello para dirixirse ao Ministerio de Fomento solicitando esas vías de servizo e ese paso elevado nesa zona para que os veciños con fincas a un lado e outro do vial de acceso da autovía non se vexan perxudicados. É unha demanda dos veciños que ten que ser unánime e liderada polo Concello para dar cumprimento a esas xustas reivindicacións veciñais”.
Clubes deportivos
O BNG tamén presenta outra moción ao pleno da semana que ven sobre o retraso no pago das subvencións que anualmente se conceden aos clubes deportivos do concello. Os nacionalistas din que “esta é unha reclamación de varios anos atrás dos clubes do concello. O Concello de Barreiros nas súas subvencións nominativas anuais ten unhas cantidades fixas para cada clube deportiva. Unha cantidade fixa que nos parece lóxica e que estea disposta, pero o que hai que facer é pagala”. O grupo municipal do BNG considera que “o que non se pode é ter aos dos clubes de fútbol do concello de Barreiros tres anos esperando por esas subvencións, máxime cando se di que se trata de problemas burocráticos. O que queren os clubes é que se lles solventen ditos problemas e que se lles abonen as cantidades pendentes”.
Os nacionalistas din que “son 3.000 euros por clube, pero que si sumamos tres anos nos metemos en 9.000 euros a cada clube e cunha situación económica fastidiada e agora máis porque os sponsors son cada vez menos. O que pedimos nesta moción é o compromiso de todos os grupos para que a alcaldía axilice rápidamente estes pagos”.
Relacionado
-
A Deputación aproba unha Declaración Institucional con motivo do Día Internacional para a Eliminación da Violencia contra a Muller
-
O BNG defende a prórroga da moratoria do eucalipto e propón convertela en gran panca de cambio dunha nova política forestal
-
Villares destaca os 100 anos da Confraría de Pescadores de Celeiro en prol do patrimonio cultural pesqueiro
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
