NOTA DE PRENSA:
O PP INCUMPRIU UNHA RESOLUCIÓN DA XUNTA ELECTORAL DE ZONA QUE LLE IMPIDE A COLOCACIÓN DE PANCARTAS, BANDEIROLAS E CARTEIS NA MARIÑA
A carteleira colocada polo BNG non incumpre a normativa electoral ao non pedir o voto
O coche oficial e o chofer fixéronlle perder reflexos ao coordinador de campaña e secretario provincial do PP José Manuel Balseiro
A Mariña, 23 de maio de 2009. O BNG non vai entrar nunha guerra de denuncias polo uso de espazos electorais no territorio que comprende a Xunta Electoral de Zona de Mondoñedo que o PP xa que isto non é o que interesa aos cidadáns, senón mais ben quen vai defender mellor os intereses de Galiza no Parlamento Europeo. Si queremos aclarar que a colocación de propaganda electoral antes do inicio oficial da campaña non o fai o BNG de forma unilateral senón que o fan tódolos partidos políticos e está permitido sempre que nesta non se pida o voto como é o caso. O PP si debera explicar aos cidadáns como é que incumpren unha resolución da Xunta Electoral que lles impide a colocación de propaganda na Mariña ao non ter presentado en prazo a solicitude para obter este dereito.
UNHA RESOLUCIÓN DA XUNTA ELECTORAL IMPIDE AO PP COLOCAR PROPAGANDA ELECTORAL NA ZONA DE MONDOÑEDO.
A resolución dictada pola Xunta electoral de Mondoñedo o 13 de maio e comunicada a tódolos partidos políticos que concorren a estas eleccións, impide ao PP a colocación de carteis, bandeirolas e parcartas en todo o territorio desta xunta electoral ao non ter presentado dentro de prazo a solicitude para obter este dereito e por tanto nos concellos de Abadín, A Pastoriza, Riotorto, A Pontenova, Mondoñedo, Lourenzá, Ribadeo, Barreiros, O Valadouro, Alfoz, Foz, Cervo, Burela, Xove, Viveiro, Ourol e O Vicedo, non debería haber un só cartel deste partido de acordo con esta resolución que o PP incumpriu en todos estes concellos como si tivera “patente de corso”
AO COORDINADOR DE CAMPAÑA SENTOULLE MAL O COCHE OFICIAL E ESQUECEU PRESENTAR A SOLICITUDE A TEMPO
Ao secretario provincial do PP e coordinador da campaña deste partido, José Manuel Balseiro, debeulle sentar mal a subida ao coche oficial e non presentou a tempo a solicitude que deben facer tódolos partidos para ter dereito ao uso dos espazos electorais que os concellos poñen a disposición das formacións políticas que concorren a estas eleccións polo que mentres non corrixan este problema tódolos carteis de propaganda electoral do PP no territorio desta Xunta Electoral deberían ser retirados.
O PP OU NON SE ENTERA OU PRETENDE CREAR UNHA POLÉMICA QUE POUCO INTERESA AOS CIDADÁNS
O BNG, do mesmo xeito que fixeron outros partidos, ten colocado carteleira na que non se pide expresamente o voto dende fai moitos días polo quen non se incumpre en ningún caso a normativa electoral. Entendemos que aos cidadáns interésalles ben pouco estas polémicas e mais ben as propostas que as distintas formacións teñen para defender os dereitos de Galiza no parlamento europeo. Lonxe de caer en polémicas absurdas, o BNG vai seguir traballando para centrar o debate desta campaña electoral na defensa de sectores claves para o país como son as problemáticas existentes no sector lácteo, pesqueiro e na definición dun modelo de Europa que responda ás necesidades sociais e recoñeza a existencia do pobo galego como realidade diferenciada dentro do contexto europeo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
