Nota de Prensa
O PLENO DE FOZ INSTA Á XUNTA A ABRIR A GALESCOLA NO PRÓXIMO CURSO ESCOLAR
Tamén se aprobou apoiar a manifestación do 17 de maio en defensa do galego
No pleno celebrado onte, o pleno da corporación municipal de Foz aprobou unha moción do BNG na que o Concello de Foz inste á Xunta de Galiza para que a Galescola de Foz se poña en funcionamento para o próximo curso escolar 2009-2010 como estaba previsto á raíz do acordo asinado entre a Consellaría de Vicepresidencia e o Concello de Foz. A moción foi aprobada por unanimidade dos tres grupos políticos. Agora, o BNG espera que o novo goberno cumpra co que estaba acordado e non retrase máis a apertura deste servizo público tan importante e demandado polos veciños de Foz como é unha escola infantil que supón unha mellora na calidade do ensino para os nenos e nenas de 0 a 3 anos, unha posibilidade de conciliar a vida laboral e familiar para moitas nais e pais e tamén a creación de postos de traballo.
Asimesmo, aprobouse outra moción do BNG en defensa do idioma galego, acordando manifestar a vontade da Corporación municipal na defensa da nosa lingua e, especificamente, nos acordos unánimes adoptados polo Parlamento Galego para instrumentar as medidas de normalización do galego nos diversos ámbitos sociais, apoiar o ‘Manifesto pola convivencia lingüística e a igualdade de dereitos para o galego’ e secundar as campañas e iniciativas que se promovan en defensa do idioma galego e, concretamente, a convocada para o vindeiro 17 de maio en Santiago de Compostela.
Esta moción foi aprobada cos votos favorables do BNG e do PSOE e os votos en contra do PP. A verdade é que desde o BNG non nos sorprende a actitude do PP en contra do noso idioma, instalándose nunha actitude de rexeitamento a que o galego se normalize na nosa sociedade. Esta actitude de aniquilización do galego é a que mostraron sempre os sectores máis reaccionarios do PP a pesares de que existen informes, tanto do Consello de Europa como da Real Academia Galega, que mostran que non se están a dar garantías para o uso normal do galego en sectores tan importantes como a educación, a xustiza, os servizos públicos ou os medios de comunicación ou que en doce anos reduciuse á metade a cantidade de persoas que falan habitualmente en galego.
Por iso, desde o BNG vemos necesaria unha resposta contundente do pobo galego a favor do noso idioma e do dereito a usalo e promocionalo en todas as facetas da nosa vida, principalmente nas institucións.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
