CERVO .- Técnicos da empresa pública autonómica Obras e Servizos Hidráulicos reuníronse co alcalde de Cervo para encargarlle un novo deseño do saneamento integral de San Cibrao. O obxectivo é cambiar o trazado para non poñer en perigo as empresas acuícolas instaladas no polígono de Cuíña.
NOTA DE PRENSA
As xestións desenvolvidas polo rexedor municipal teñen por obxecto garantir a continuidade dos 75 postos de traballo directos que estas compañías de cría e engorde de peixe contribuíron a xerar no concello
Es posible que tu navegador no permita visualizar esta imagen.
A EMPRESA PÚBLICA AUTONÓMICA OBRAS E SERVIZOS HIDRÁULICOS ESTUDA, A PETICIÓN DO ALCALDE, O REDESEÑO DO PROXECTO DE SANEMENTO INTEGRAL DE SAN CIPRIÁN
* O Ministerio de Medio Ambiente a través da Confederación Hidrográfica do Cantábrico ten previsto desenvolver estas obras. De feito, nos pasados días licitou o proxecto malia que incorporando os erros do anterior Executivo autonómico, isto é sen contemplar a modificación no punto de vertido do emisario submarino
* A Xunta bipartita era coñecedora dun informe técnico que poñía de relevo os prexuízos que provocaría a non ampliación do emisario, pese a iso, por aforrarse unhas cartos, non incorporou esta mellora ao proxecto e reduciu de 6 millóns de euros a tan só 4 o investimento para levar adiante a obra.
Cervo, 26 de maio de 2009.- Técnicos da Empresa Pública Obras e Servizos Hidráulicos da Xunta de Galicia, visitaron hoxe o Concello de Cervo, a petición do alcalde, Alfonso Villares, para estudar o novo deseño do emisario da rede de saneamento que ten previsto construírse na localidade de San Ciprián. O interese do rexedor municipal era trasladar aos técnicos da Xunta a importancia de mudar o proxecto tal e como está a día de hoxe deseñado, pois poría en perigo a viabilidade das empresas acuícolas situadas no polígono de Cuiña e, con ela, os 75 postos de traballo que, dun xeito directo, contribuíron a xerar.
Lembremos que os anteriores responsables da administración autonómica redactaron o proxecto de saneamento integral de San Ciprián sen contemplar a prolongación do emisario. Todo iso pese a ser coñecedores do informe técnico que poñía de relevo a problemática que suporía que o vertido do emisario fora na mesa área que a captación de auga das piscifactorías. Ademais diso trasladaron ao Ministerio de Medio Ambiente o proxecto co obxecto de que fora a Confederación Hidrográfica do Cantábrico que o executara pero sen incluír modificación algunha, isto é co deseño tan prexudicial previsto polo anterior Goberno autonómico. Non contento con iso, a Xunta bipartita reduciu de 6 a 4 millóns de euros o investimento desta obra, todo para aforrarse uns cartos que proban que actuaron con total tacañería.
A NOVA ADMINISTRACIÓN DA XUNTA SE IMPLICA
Curiosamente nesta mesma semana licitouse a obra do novo saneamento de San Ciprián, o. Pese ás alertas adiantadas por Alfonso Villares, o proxecto que ten previsto desenvolver este organismo dependente do Ministerio de Medio Ambiente, non contemplan as modificacións precisas para garantir os postos de traballo que desde o Concello queren protexer. E por iso que o Alcalde de Cervo logrou no día de hoxe a implicación da empresa pública autonómica que está disposta a ofrecer as solucións que ata o momento non se valoraron.
“Afortunadamente os novos xestores da Xunta si son conscientes deste problema e están comprometidos con esta decisión e por iso, os técnicos da Xunta adiantaron que estudarán o redeseño correspondente. Isto, é situarán o emisario alí onde non prexudique a ningunha das empresas do polígono, e garantan mellor a debida protección do medio ambiente”-explican desde o Concello.
RIQUEZA INDUSTRIAL, MEDIOAMBIENTA E NO EMPREGO
Villares subliñou que estamos a falar dun aspecto de vital importancia para o Concello, por tratarse dunha empresa que dá traballo a xente do noso municipio e ademais que é pouco contaminante. O Alcalde mantén que vai facer o posible para que mellorar o saneamento de San Ciprián, que é algo positivo, non teña porque traer consigo resultados negativos, como no caso de que afectase á viabilidade destas empresas. “Hai que protexer a riqueza industrial, medioambiental e no emprego”
PRIMEIRA TOMA DE CONTACTO
Na reunión celebrada no día de hoxe asistiron responsables de Alrogal, Juan Pablo Barrio en representación da Empresa autonómica Obras e Servizos Hidráulicos, persoal técnico do concello e o proio Alcalde. O encontro tivo lugar nas oficinas da empresa acuícola e veñen a ser a primeira toma de contacto para a construción do emisario submarino desde a depuradora ata onde sexa preciso, con tal de que se garanta a boa xestión de residuos de saneamento e a viabilidade destas empresas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
