ALFOZ .- O alcalde de Alfoz, Emilio Lousas, reuniuse en Santiago co conselleiro de Medio Ambiente, Infraestructuras e Territorio, Agustín Hernández, a quen plantexou as principais carencias municipais en captación de auga, vivendas promoción pública, saneamento e oferta de solo industrial en Alfoz.
NOTA DE PRENSA
Emilio Lousas foi recibido na mañá de hoxe polo conselleiro de Medio Ambiente, Infraestruturas e Territorio no seu despacho de San Caetano
O ALCALDE CONSTATA A BOA DISPOSICIÓN DO CONSELLEIRO AGUSTIN HERNANDEZ PARA DESBLOQUEAR VARIAS ACTUACIONS RELACIONADAS CO MEDIO AMBIENTE, INFRAESTRUTURAS E VIVENDA NO MUNICIPIO
• A Xunta de Galicia comprométese a axilizar as autorizacións e trámites administrativos previos para facer realidade a obra de captación de augas da parroquia de Pereiro “á maior brevidade posible”
• O Alcalde de Alfoz mantivo a oferta de terreos de titularidade municipal para a construción de novas vivendas de promoción pública no municipio.
• Medio Ambiente comprometeuse a estudar a achega de financiación para acometer obras de saneamento no barrio de San Pedro e en Lago.
• O Alcalde insistiu na necesidade de que Alfoz conte tamén con oferta de solo industrial en terreos do seu termo municipal, dentro do impulso ao parque industrial que comparte con Valadouro.
Cervo, 15 de maio de 2009.- O Alcalde de Alfoz, Emilio Lousas, constatou a boa disposición da Consellería de Medio Ambiente, Territorio e Infraestruturas para desbloquear varias actuacións que a Xunta de Galicia tiña pendentes no municipio. Así o puido comprobar tras a reunión mantida esta mañá no despacho do conselleiro Agustín Hernandez, en San Caetano, onde situaron como prioridades catro aspectos que de seguido pasamos a relacionar
CAPTACIÓN DE AUGA
O titular da consellería de Medio Ambiente asumiu o compromiso perante ao Alcalde de Alfoz, de axilizar as autorizacións e trámites administrativos previos que se precisan para facer realidade a obra de captación de augas na parroquia de Pereiro. “Esta era unha xestión que lle demandábamos para poder aproveitar os recursos actualmente dispoñibles. Agustín Hernández afirmou que liderará desde o seu departamento as xestións oportunas, ante os distintos órganos administrativos da Xunta, para que poida ser realidade á maior brevidade posible”
VIVENDAS PROMOCIÓN PÚBLICA
Emilio Lousas tamén aproveitou o primeiro contacto co novo conselleiro para reafirmar a vontade do Concello que preside de ofertar terreos de titularidade municipal –sitos en Granda de San Pedro- para a construción de vivendas de promoción pública.
O Alcalde insistiu na necesidade de contar con estas novas dotacións de vivendas a prezos accesibles, despois de que o anterior Executivo autonómico bipartito paralizase o compromiso asumido pola Xunta en 2005 de impulsar sete novas vivendas. A cesión de terreos de titularidade municipal vén a facilitar que a Xunta poida levar adiante estas actuacións no municipio, o que contribuirá a asentar poboación, e a facilitar o acceso a un futuro fogar ás familias en tempos de crise e dificultade.
SANEAMENTO
A petición de Emilio Lousas, o titular do departamento autonómico de Medio Ambiente tamén asumiu o compromiso de estudar a posibilidade de achegar financiamento para varias obras de saneamento respecto das que xa existe cesión de terreos por parte do Concello de Alfoz. Máis en concreto falaron das acometidas de saneamento en Barrios de San Pedro e máis en Lagoa. Medio Ambiente comprométese a estudar os orzamento dispoñible para desenvolver estes investimentos.
OFERTA DE SOLO INDUSTRIAL TEMÉN EN ALFOZ
En cuarto lugar, o Alcalde de Alfoz subliñou a importancia de que nos planos de actuación estratéxicos da Xunta de Galicia se incorpore a dotación de solo industrial no municipio. Emilio Lousas insistiu que ademais de impulsar, tal e como se está a facer, o relativo ao polígono industrial Alfoz-O Valadouro, a Administración autonómica debe ampliar a oferta de solo industrial aos terreos situados dentro do termo municipal de Alfoz. Deste xeito, ademais de promover o asentamento de novas empresas, a nova oferta de solo industrial no municipio, servirá como incentivo para a creación de máis oportunidades de emprego.
CORDIALIDADE E RECEPTIVIDADE
Emilio Lousas agradece a cordialidade do conselleiro Agustín Hernández, e a receptividade para estudar e impulsar moitas das xestións e reclamacións efectuadas. “Os novos dirixentes da Xunta de Galicia amosan unha boa disposición para facer realidade nun futuro próximo estas e outras actuacións pendentes do municipio, e isto é de agradecer”- afirmou o Alcalde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
